શિયાળામાં ટ્રાય કરો શક્કરિયાનો મજેદાર હલવો! : ગાજર- બેસનનો હલવો પણ થઈ જશે ફેલ, જાણો ખાંડ વગરની સુપર હેલ્ધી રેસીપી

Sweet Potato Halwa Recipe: શિયાળાની ઠંડીમાં કંઈક ગરમાગરમ, મીઠું અને હેલ્ધી ખાવાનું મન થાય ત્યારે ગાજરનો હલવો કે ગુલાબજામુનનું જ નામ આવે છે. પણ આ વખતે કંઈક અલગ ટ્રાય કરો – શક્કરિયાનો હલવો! ખાંડ વગરનો, ગોળવાળો, એકદમ સોફ્ટ અને મોંમાં ઓગળી જાય એવો હલવો જે બનાવવામાં પણ આસાન છે અને ખાઈને તો મજા જ આવે! શિયાળામાં શક્કરિયા ખાવાથી શરીરને ગરમી મળે છે, પાચન સારું રહે છે અને રોગપ્રતિકારક શક્તિ પણ વધે છે. ચાલો, આજે જ બનાવીએ આ સુપર ઈઝી શક્કરિયાનો હલવો.

જરૂરી સામગ્રી

શક્કરિયા – 2-3 મધ્યમ કદના (લગભગ 500 ગ્રામ)

ગોળ (છીણેલો) – સ્વાદ પ્રમાણે (લગભગ 100-150 ગ્રામ)

ઘી – 1/2 કપ (જરૂર પડે તો થોડું વધારે)

દૂધ – 1/2 કપ

એલચી પાવડર – 1 ચમચી

કાજુ – 2 ચમચી (બારીક કાપેલા)

બદામ – 2 ચમચી (બારીક કાપેલા)

બનાવવાની સરળ રીત

1. શક્કરિયાને સારી રીતે ધોઈ લો. પ્રેશર કૂકરમાં 2-3 વ્હિસલ આવે તેટલા ઉકાળી લો. ઠંડા થાય પછી છોલીને સારી રીતે મેશ કરી લો (અથવા ગ્રેટર વડે ખમણી લો).

2. એક જાડા તળિયાની કડાઈ કે નોન-સ્ટિક પેનમાં 1 ચમચી ઘી ગરમ કરો. તેમાં કાજુ-બદામ હળવા સોનેરી થાય ત્યાં સુધી તળી, કાઢી રાખો.

3. એ જ કડાઈમાં બાકીનું ઘી નાખો. મેશ કરેલા શક્કરિયા ઉમેરી, મધ્યમ આંચ પર 4-5 મિનિટ સતત હલાવતા રહીને શેકો.

4. હવે 1/2 કપ દૂધ ઉમેરો અને સતત હલાવતા રહો. ધીમી આંચે રાંધો જેથી મિશ્રણ ઘટ્ટ થવા લાગે અને કડાઈ છોડવા લાગે.

5. જ્યારે મિશ્રણ ઘટ્ટ થાય અને ચમચી પર ચોંટતું બંધ થાય, ત્યારે તેમાં છીણેલો ગોળ ઉમેરો. ગોળ તરત ઓગળી જશે. સારી રીતે મિક્સ કરો.

6. અંતે એલચી પાવડર અને તળેલા ડ્રાયફ્રૂટ્સ નાખી, 1-2 મિનિટ હલાવો. ગેસ બંધ કરો.

7. ગરમાગરમ પીરસો! ઉપરથી થોડા વધારાના ડ્રાયફ્રૂટ્સ છાંટી શકો.બસ આટલું જ! ખાંડ વગરનો, ગોળની મીઠાશવાળો, પૌષ્ટિક અને સ્વાદિષ્ટ શક્કરિયાનો હલવો તૈયાર. શિયાળાની સાંજે ચા સાથે કે મહેમાનોને પીરસવા એકદમ પર્ફેક્ટ!