US Firing: અમેરિકાના રોડ આઇલેન્ડ રાજ્યમાં પાવટકેટ શહેરના ડેનિસ એમ. લિંચ એરેનામાં યુવા હાઇ સ્કૂલ હોકી મેચ દરમિયાન થયેલા ભયાનક ગોળીબારે આખા વિસ્તારને હચમચાવી દીધો છે. આ ઘટનામાં ત્રણ વ્યક્તિઓના મોત થયા છે – જેમાં બે પીડિતો અને હુમલાખોર સ્વયં પોતાને ગોળી મારીને મૃત્યુ પામ્યો છે – જ્યારે ત્રણ અન્ય વ્યક્તિઓ ગંભીર રીતે ઘાયલ થયા છે અને હોસ્પિટલમાં સારવાર અધીન છે.
પરિવારના સભ્યોને નિશાન બનાવ્યા
પાવટકેટ પોલીસ વડા ટીના ગોન્કાલ્વેસે જણાવ્યું હતું કે આ ઘટના એક પરિવારિક વિવાદ (family dispute)ને કારણે થઈ હતી અને તે "targeted" હતી, એટલે કે તેને અન્ય કોઈ રેન્ડમ હુમલો નહોતો. હુમલાખોરે તેના પોતાના પરિવારના સભ્યોને નિશાન બનાવ્યા હોવાનું પ્રારંભિક તપાસમાં જણાયું છે. એક મહિલાએ મીડિયાને જણાવ્યું કે હુમલાખોર તેના પિતા હતા, જેઓ લાંબા સમયથી માનસિક આરોગ્યની સમસ્યાઓ (mental health issues)થી પીડાતા હતા અને "very sick" હતા.
આ ઘટના સોમવારે બપોરે લગભગ 2:30 વાગ્યે બની હતી, જ્યારે બે હાઇ સ્કૂલ ટીમો વચ્ચે હોકી મેચ ચાલી રહી હતી. દર્શકો અને ખેલાડીઓએ ગોળીઓના અવાજ સાંભળતાં જ જમીન પર સૂઈ ગયા અને બહાર નીકળવાનો પ્રયાસ કર્યો. પોલીસે તાત્કાલિક પહોંચીને પરિસ્થિતિને નિયંત્રણમાં લીધી અને ઘાયલોને હોસ્પિટલમાં ખસેડ્યા.
રાજ્ય પોલીસ સ્થાનિક અધિકારીઓ
રોડ આઇલેન્ડના ગવર્નર ડેન મેક્કીએ ઘટના પર દુ:ખ વ્યક્ત કરતાં જણાવ્યું કે, "આપણું રાજ્ય ફરી એકવાર શોકમાં છે. એક પિતા, પૂર્વ કોચ અને ગવર્નર તરીકે મારું હૃદય પીડિતો, પરિવારો, વિદ્યાર્થીઓ અને આ ઘટનાથી પ્રભાવિત દરેક વ્યક્તિ માટે તૂટી ગયું છે." તેમણે પાવટકેટના મેયર ગ્રેબિયન અને રાજ્ય પોલીસ સાથે વાત કરી હોવાનું અને રાજ્ય પોલીસ સ્થાનિક અધિકારીઓ સાથે મળીને કામ કરી રહી હોવાનું જણાવ્યું. તેમણે સોશિયલ મીડિયા પર પણ પ્રાર્થના કરી હતી.
યુએસમાં ચાલુ રહેલા ગન વાયોલન્સ ફરી ઉજાગર
આ ઘટના યુએસમાં ચાલુ રહેલા ગન વાયોલન્સના મુદ્દાને ફરી ઉજાગર કરે છે. તાજેતરમાં જ રોડ આઇલેન્ડમાં બ્રાઉન યુનિવર્સિટી અને પ્રોવિડન્સમાં અન્ય ઘટનાઓ બની હતી, જેમાં વિદ્યાર્થીઓના મોત થયા હતા. આ મહિનાની શરૂઆતમાં મેરીલેન્ડમાં પણ એક હાઇ સ્કૂલમાં ગોળીબાર થયો હતો.પોલીસ તપાસ ચાલુ રાખી છે અને વધુ વિગતોની રાહ જોવાઈ રહી છે. આ દુ:ખદ ઘટનાએ સમગ્ર સમુદાયને હચમચાવી દીધો છે અને પીડિત પરિવારો માટે શોક અને પ્રાર્થનાનું મોજું ફરી વળ્યું છે.
