Akhanda 2 Movie Ticket: તેલુગુ સુપરસ્ટાર નંદમુરી બાલકૃષ્ણના ચાહકોના જુસ્સાની કોઈ સીમા નથી. તેનું તાજું ઉદાહરણ જર્મનીમાં જોવા મળ્યું, જ્યાં ‘Akhanda 2’ ફિલ્મની સૌથી પહેલી ટિકિટ ₹1 લાખની હરાજીમાં વેચાઈ ગઈ. આ અનોખો કાર્યક્રમ જર્મનીમાં ફિલ્મના વિતરક તારકા રામા એન્ટરટેઈનમેન્ટ્સ દ્વારા આયોજિત કરવામાં આવ્યો હતો. આ હરાજીમાં પાંચ જુદા જુદા પ્રદેશોના ચાહકોએ ભાગ લીધો હતો, પરંતુ સૌથી મોટી બોલી લગાવનાર નંદમુરીના કટ્ટર ચાહક રાજશેખર પર્ણપલ્લી રહ્યા, જેમણે ₹1 લાખ ચૂકવીને આ ઐતિહાસિક ટિકિટ પોતાના નામે કરી.
5 ડિસેમ્બર, 2025ના રોજ વિશ્વભરમાં રિલીઝ
ટિકિટ જીત્યા બાદ રાજશેખરે લાગણીશીલ અંદાજમાં કહ્યું,
“હું દુનિયામાં ગમે ત્યાં રહું, મારું દિલ હંમેશા બલૈયા બાબુ સાથે છે. મારા માટે આ ટિકિટ નહીં, પણ ગર્વની વાત છે.”વિતરકે જણાવ્યું કે, જર્મનીમાં કોઈ તેલુગુ ફિલ્મના અધિકાર અત્યાર સુધી આટલી ઊંચી કિંમતે વેચાયા નથી. આ ઘટનાએ ફરી એકવાર સાબિત કરી દીધું કે નંદમુરી બાલકૃષ્ણ માત્ર ભારતમાં જ નહીં, વિદેશમાં પણ ‘મેન બલૈયા’ તરીકે રાજ કરે છે. બોયપાટી શ્રીનુ દિગ્દર્શિત ‘Akhanda 2’ 5 ડિસેમ્બર, 2025ના રોજ વિશ્વભરમાં ગ્રાન્ડ રિલીઝ થવા જઈ રહી છે. બલૈયા બાબુના ચાહકો માટે આ તહેવાર કરતાં ઓછો નથી!
