Dhurandhar 2 Trailer: બોલિવૂડની બ્લોકબસ્ટર ફિલ્મ 'Dhurandhar'ના બીજા ભાગ 'Dhurandhar 2' નું ટ્રેલર આજે રિલીઝ થઈ ગયું છે. રણવીર સિંહ ફરી એકવાર એક્શન અવતારમાં જોવા મળે છે, જ્યાં તે બદલાની આગમાં ધગમગતો 'શેર-એ-બલોચ' તરીકે દેખાય છે. ટ્રેલરમાં હાઈ-ઓક્ટેન એક્શન, ઇન્ટેન્સ ડ્રામા અને શાનદાર વિઝ્યુઅલ્સથી ભરપૂર છે, જેણે દર્શકોનો ઉત્સાહ વધારી દીધો છે.
ઇન્ટેન્સ પર્ફોર્મન્સ અને બદલાની ભાવના
આદિત્ય ધર દ્વારા દિગ્દર્શિત આ ફિલ્મમાં રણવીર સિંહ પોતાના ડ્યુઅલ રોલમાં (હમ્ઝા અને જસ્કીરત સિંહ રંગી) જોવા મળશે. ટ્રેલરમાં તેની ઇન્ટેન્સ પર્ફોર્મન્સ અને બદલાની ભાવના સ્પષ્ટ દેખાય છે. અન્ય કલાકારો જેમ કે સંજય દત્ત, અર્જુન રામપાલ અને અન્યના અભિનય પણ ટ્રેલરમાં ધ્યાન ખેંચે છે.
ટ્રેલરમાં શું ખાસ છે?
રણવીર સિંહની માસ એન્ટ્રી અને એક્શન સિક્વન્સ જોવા લાયક છે.
ફિલ્મની સ્ટોરી રિવેન્જ અને એસ્પિયોનેજ પર આધારિત છે, જે પહેલા ભાગ કરતાં વધુ બોલ્ડ અને ગ્રાન્ડ લાગે છે.
વિઝ્યુઅલ ઇફેક્ટ્સ અને બેકગ્રાઉન્ડ સ્કોર ટ્રેલરને વધુ શક્તિશાળી બનાવે છે.
બોક્સ ઓફિસ પર સોલો રાજ!
'Dhurandhar 2' 19 માર્ચ, 2026ના રોજ ઈદના અવસરે સિનેમાઘરોમાં રિલીઝ થશે. શરૂઆતમાં યશની 'ટોક્સિક' સાથે ક્લેશ થવાની ચર્ચા હતી, પરંતુ 'ટોક્સિક'ની રિલીઝ મધ્ય પૂર્વમાં તણાવને કારણે મુલતવી રાખવામાં આવી છે અને હવે તે 4 જૂને આવશે. આથી 'ધુરંધર 2'ને બોક્સ ઓફિસ પર કોઈ ટક્કર નહીં મળે, જે તેની કમાણી માટે મોટો ફાયદો સાબિત થશે.
ટ્રેલર જોઈને ફેન્સ એક્સાઇટેડ
પહેલા ભાગ 'Dhurandhar' (5 ડિસેમ્બર, 2025)એ બોક્સ ઓફિસ પર ધમાલ મચાવી હતી. રણવીર સિંહ, અક્ષય ખન્ના, અર્જુન રામપાલ, આર. માધવન અને સંજય દત્તની સ્ટાર કાસ્ટવાળી આ ફિલ્મે ભારતમાં ₹838.50 કરોડ અને વિશ્વભરમાં ₹1305.35 કરોડની કમાણી કરી હતી. દર્શકોએ તેની પ્રશંસા કરી અને તે એક મહિનાથી વધુ સમય સુધી ચાલી હતી. હવે બધી નજરો 'Dhurandhar 2' પર છે. ટ્રેલર જોઈને ફેન્સ એક્સાઇટેડ છે અને 19 માર્ચની રાહ જોઈ રહ્યા છે. શું આ ફિલ્મ પહેલા ભાગના રેકોર્ડ તોડશે?
