ભારત સામેની ODI સીરિઝમાં ઓસ્ટ્રેલિયન ટીમને મળ્યો મોટો ઝટકો! : સ્ટાર ઓલરાઉન્ડર થયો બહાર અને ટોપ ઓર્ડર બેટ્સમેનને મળી તક

Australia squad Vs India for ODI Series: ભારત સામેની ત્રણ મેચની ODI સીરિઝ શરૂ થાય તે પહેલા જ ઓસ્ટ્રેલિયન ટીમને મોટો ઝટકો લાગ્યો. ઓસ્ટ્રેલિયાને આની બિલકુલ અપેક્ષા નહોતી, કારણ કે તેના ઘણા સ્ટાર ખેલાડીઓ પહેલાથી જ સીરિઝમાંથી બહાર થઈ ગયા છે. હવે, આ સ્ટાર ઓલરાઉન્ડર પણ ઈજાને કારણે બહાર થઈ ગયો. ઓસ્ટ્રેલિયાના સ્ટાર ઓલરાઉન્ડર કેમેરોન ગ્રીન ઈજાના કારણે ત્રણ મેચની ODI સીરિઝમાંથી બહાર થઈ ગયો છે. ગ્રીનને ટ્રેનિંગ દરમિયાન ઇજા થઈ હતી, આ કારણે તે રમી શકશે નહીં. તેના સ્થાને ટોપ ઓર્ડર બેટ્સમેન માર્નસ લાબુશેનને ટીમમાં સામેલ કરવામાં આવ્યો છે. આ સીરિઝની શરૂઆત રવિવાર 19 ઓક્ટોબરથી પર્થમાં થશે.

માર્નસ લાબુશેનને મળી તક

માર્નસ લાબુશેનને શરૂઆતમાં ઓસ્ટ્રેલિયાની ટીમમાંથી બહાર રાખવામાં આવ્યો હતો, પરંતુ ડોમેસ્ટિક ક્રિકેટમાં તેના શાનદાર પર્ફોર્મન્સને કારણે હવે તેને આ સીરિઝમાં તક મળી છે. કેમેરોન ગ્રીનની ઈજાને કારણે ઓસ્ટ્રેલિયન ટીમને મોટો ઝટકો લાગ્યો છે. તે હાલમાં પીઠની ઈજામાંથી સ્વસ્થ થયા પછી તેની છેલ્લી વનડેમાં, તેણે શાનદાર 118* રન બનાવ્યા, જેનાથી ટીમ માટે મોટી આશાઓ જાગી હતી. ઓસ્ટ્રેલિયન ક્રિકેટ ટીમ દ્વારા જારી કરાયેલા નિવેદન અનુસાર, કેમેરોન ગ્રીનની ઈજા નાની છે અને તે આ મહિનાના અંત સુધીમાં ડોમેસ્ટિક ક્રિકેટમાં પાછા ફરી શકે છે, જેથી તે આવતા મહિને ઇંગ્લેન્ડ સામેની પ્રથમ એશિઝ ટેસ્ટની તૈયારી કરી શકે.

ભારત સામે ઓસ્ટ્રેલિયાની વનડે ટીમ: મિશેલ માર્શ (કેપ્ટન), ઝેવિયર બાર્ટલેટ, કૂપર કોનોલી, બેન દ્વારશુઇસ, નાથન એલિસ, જોશ હેઝલવુડ, ટ્રેવિસ હેડ, મેથ્યુ કુહનેમેન, માર્નસ લાબુશેન, મિશેલ ઓવેન, જોશ ફિલિપ, મેથ્યુ રેનશો, મેથ્યુ શોર્ટ, મિશેલ સ્ટાર્ક

માત્ર મેચ 2 અને 3 મેચ માટે: એડમ ઝામ્પા, એલેક્સ કેરી, જોશ ઇંગ્લિસ

ઓસ્ટ્રેલિયા માટે ભારતની 15 સભ્યોની વનડે ટીમઃ શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર (વાઈસ-કેપ્ટન), અક્ષર પટેલ, કેએલ રાહુલ (વિકેટકીપર), નીતીશ કુમાર રેડ્ડી, વોશિંગ્ટન સુંદર, કુલદીપ યાદવ, હર્ષિત રાણા, મોહમ્મદ સિરાજ, અર્શદીપ સિંહ, પ્રસિદ્ધ કૃષ્ણ, ધ્રુવ જુરેલ (વિકેટકીપર) અને યશસ્વી જયસ્વાલ.

IND vs AUS મેચનું શેડ્યૂલ