બોલીવુડ અને સાઉથ સિનેમાની ફિલ્મો વચ્ચે બોક્સ ઓફિસ પર જબરદસ્ત ટક્કર જારી છે. આયુષ્માન ખુરાના-રશ્મિકા મંદન્નાની 'Thama'એ મેજર માઈલસ્ટોન હાંસલ કર્યો છે, જ્યારે 'Kantara Chapter 1' વૈશ્વિક કમાણીમાં ધૂમ મચાવી રહી છે. 'Ek Deewane Ki Deewaniyat' ધીમી ગતિએ આગળ વધી રહી છે, તો 'Sunny Sanskari Ki Tulsi Kumari'ની રન લગભગ સમાપ્ત થઈ ગઈ છે. અહીં તમામ ફિલ્મોના તાજા કલેક્શનની વિગતવાર માહિતી.
'Thama': 100 કરોડ ક્લબમાં ધમાકેદાર એન્ટ્રી
આયુષ્માન ખુરાના અને રશ્મિકા મંદન્ના સ્ટારર 'Thama' દર્શકોના દિલ જીતી રહી છે. રિલીઝના નવમા દિવસે (બુધવારે) ફિલ્મે ₹3.25 કરોડની કમાણી કરી. કુલ કલેક્શન: ₹104.60 કરોડ. આ સાથે તે આ વર્ષની 100 કરોડ ક્લબમાં સામેલ થઈ ગઈ છે અને હજુ પણ મજબૂત પકડ જાળવી રહી છે.
'Ek Deewane Ki Deewaniyat': ધીમી પણ સ્થિર પ્રગતિ
હર્ષવર્ધન રાણે અને સોનમ બાજવા અભિનીત 'Ek Deewane Ki Deewaniyat' ''Thama'' સાથે જ રિલીઝ થઈ હતી, પરંતુ તેની ગતિ થોડી ધીમી રહી. નવમા દિવસે ફિલ્મે ₹2.75 કરોડ કમાયા. કુલ કલેક્શન: ₹52.25 કરોડ. ફિલ્મને મિશ્ર રિવ્યૂઝ મળ્યા છે, પરંતુ તે હજુ પણ થિયેટર્સમાં ચાલુ છે.
'Kantara Chapter 1': 600 કરોડનો જાદુઈ આંકડા નજીક
રિષભ શેટ્ટીની 'Kantara Chapter 1'એ વૈશ્વિક બોક્સ ઓફિસ પર તહલકો મચાવ્યો છે. રિલીઝના 28મા દિવસે (બુધવારે) ફિલ્મે ₹2.50 કરોડની કમાણી કરી. કુલ કલેક્શન: ₹599.15 કરોડ. આ ફિલ્મ ટૂંક સમયમાં 600 કરોડનો આંકડો પાર કરીને નવો રેકોર્ડ બનાવશે. દર્શકોનો પ્રેમ અને વર્ડ-ઓફ-માઉથ તેની સફળતાનું મુખ્ય કારણ છે.
'Sunny Sanskari Ki Tulsi Kumari: કમાણી લગભગ થંભી
વરુણ ધવન અને જાહ્નવી કપૂર સ્ટારર'Sunny Sanskari Ki Tulsi Kumariની રન હવે અંતિમ તબક્કામાં છે. 28મા દિવસે ફિલ્મે માત્ર ₹7 લાખ કમાયા. કુલ કલેક્શન: ₹61.48 કરોડ. શરૂઆતમાં સારો પ્રતિસાદ મળ્યો હતો, પરંતુ પછી કમાણીમાં ભારે ઘટાડો થયો અને ફિલ્મની જર્ની લગભગ સમાપ્ત થઈ ગઈ છે.બોક્સ ઓફિસ પર ' 'Kantara Chapter 1'' અને ''Thama''નું વર્ચસ્વ જારી છે, જ્યારે અન્ય ફિલ્મો પડકારોનો સામનો કરી રહી છે. આંકડા અંદાજિત છે અને સત્તાવાર અપડેટ્સના આધારે બદલાઈ શકે છે.
