Jana Nayagan controversy: દક્ષિણના સુપરસ્ટાર અને તમિલનાડુના રાજકીય ચહેરા થલાપતિ વિજયની છેલ્લી ફિલ્મ 'Jana Nayagan' હાલમાં સેન્સરશીપ વિવાદમાં ફસાયેલી છે, જેના કારણે તેની રિલીઝ અનિશ્ચિત બની ગઈ છે. મૂળ 9 જાન્યુઆરી 2026ના રોજ પોંગલ તહેવાર દરમિયાન રિલીઝ થવાની આ ફિલ્મ CBFC (સેન્ટ્રલ બોર્ડ ઓફ ફિલ્મ સર્ટિફિકેશન) સાથેના કાનૂની વિવાદને કારણે વારંવાર મુલતવી રહી છે.
વિજયે પોતાનો ગુસ્સો વ્યક્ત કર્યો
તાજેતરમાં 4 માર્ચ 2026ના રોજ તંજાવુરમાં તમિલાગા વેટ્રી કઝગમ (TVK)ના રાજકીય અભિયાનના ભાગરૂપે સમર્થકોને સંબોધિત કરતાં વિજયે પોતાનો ગુસ્સો વ્યક્ત કર્યો. તેમણે કહ્યું કે, "મારી વાત સાંભળો, આગામી સરકાર TVKની હશે... મુખ્યમંત્રી, તમે મને ચૂપ કરવાનો પ્રયાસ કરી શકો છો, પરંતુ તમે દરેક ઘરમાં રહેતા દરેક વિજયને ચૂપ કરી શકતા નથી." તેમણે ફિલ્મના રિલીઝ વિલંબ દરમિયાન સમર્થન આપનારા લોકો અને CM MK સ્ટાલિનનો આભાર માન્યો, પરંતુ સાથે જ કડક ચેતવણી પણ આપી.
CBFCની તરફથી સર્ટિફિકેટ મળવામાં વિલંબ
આ ફિલ્મ પર CBFCની તરફથી સર્ટિફિકેટ મળવામાં વિલંબ થયો છે, જેમાં કોર્ટ કેસ, રિવાઇઝિંગ કમિટી અને અન્ય કાનૂની પગલાં સામેલ છે. કેનેડિયન ડિસ્ટ્રિબ્યુટર York Cinemasએ પણ જાહેરાત કરી છે કે ફિલ્મ 30 એપ્રિલ 2026 પહેલાં રિલીઝ થશે નહીં, અને તેના અગાઉના ટિકિટ રિફંડની વ્યવસ્થા કરવા કહ્યું છે.
રિલીઝની નવી તારીખ હજુ સત્તાવાર જાહેર થઈ નથી
ફિલ્મમાં પૂજા હેગડે, ગૌતમ વાસુદેવ મેનન, પ્રિયામણી જેવા કલાકારો છે, અને આ વિજયની 33 વર્ષની ફિલ્મી કારકિર્દિની છેલ્લી ફિલ્મ છે. આ વિવાદે ફિલ્મને વધુ ચર્ચામાં લાવી છે, પરંતુ રિલીઝની નવી તારીખ હજુ સત્તાવાર જાહેર થઈ નથી. વિજયના રાજકીય પ્રવેશ અને ફિલ્મ વચ્ચેના આ સંબંધે ચાહકોમાં ભારે ઉત્સુકતા છે!
