ભારતીય ક્રિકેટ ટીમે અમદાવાદ વિમાન દુર્ઘટનાના પીડિતોને શ્રદ્ધાંજલિ આપી : ક્રિકેટ ટીમના ખીલાદીયોએ કાળો પટ્ટો પહેરી મૌન પાળ્યું!

બેકેનહામ, 13 જૂન 2025: ઇંગ્લેન્ડ પ્રવાસ પર ગયેલી ભારતીય ક્રિકેટ ટીમે અમદાવાદમાં થયેલી દુઃખદ વિમાન દુર્ઘટનાના પીડિતો પ્રત્યે પોતાનું શોક વ્યક્ત કર્યું. ઇન્ડિયા અને ઇન્ડિયા A વચ્ચે ચાલી રહેલી ચાર દિવસીય પ્રેક્ટિસ મેચના પ્રથમ દિવસે, ખેલાડીઓ અને સપોર્ટ સ્ટાફે દુર્ઘટનામાં મૃત્યુ પામેલા લોકોને શ્રદ્ધાંજલિ આપવા માટે ખાસ પહેલ કરી.
ટીમે મેચ શરૂ થાય તે પહેલાં એક મિનિટનું મૌન પાળ્યું, જે દરમિયાન તમામ ખેલાડીઓ અને સ્ટાફ એકઠા થઈને પીડિતોના આત્માની શાંતિ માટે પ્રાર્થના કરી. આ ઉપરાંત, ભારતીય ટીમના ખેલાડીઓએ આખી મેચ દરમિયાન તેમના હાથ પર કાળી પટ્ટી બાંધીને રમ્યા, જે શોકની નિશાની તરીકે હતી.
શુભમન ગિલની આગેવાની હેઠળની આ ટીમે આ રીતે પોતાની સંવેદના વ્યક્ત કરી અને પીડિત પરિવારો પ્રત્યે સમર્થન દર્શાવ્યું. ભારતીય ક્રિકેટ કંટ્રોલ બોર્ડ (BCCI) એ પણ સોશિયલ મીડિયા પર આ શ્રદ્ધાંજલિની તસવીર શેર કરી, જેમાં ખેલાડીઓ એકઠા થઈને મૌન પાળતા જોવા મળ્યા.
આ પ્રેક્ટિસ મેચ ભારતના ઇંગ્લેન્ડ સામેની ટેસ્ટ શ્રેણીની તૈયારીનો ભાગ છે, પરંતુ આ શોકની ક્ષણે ટીમે રમતથી આગળ વધીને માનવતા દર્શાવી.