T20 World Cup; ટીમ ઈન્ડિયાની સુપર-8 ની મેચો ક્યારે અને કોની સામે રમશે? : જાણો મેચનું ટાઈમિંગ, લાઈવ સ્ટ્રીમિંગ અને ટીમો સહિતની અન્ય માહિતી

T20 World Cup : T20 વર્લ્ડ કપ 2026 હવે તેના રોમાંચક તબક્કા એટલે કે 'સુપર-8' માં પ્રવેશી રહ્યો છે. ભારતીય ટીમ અત્યાર સુધી આ ટૂર્નામેન્ટમાં અજેય રહી છે અને શાનદાર પ્રદર્શન સાથે સુપર-8 માટે ક્વોલિફાય કરી ચૂકી છે. આજે ભારત તેની અંતિમ લીગ મેચ નેધરલેન્ડ્સ સામે રમશે, જે માત્ર એક ઔપચારિકતા છે. જાણો સુપર-8 માં ભારતનો સામનો કોની સાથે થશે અને મેચ ક્યારે રમાશે.

સુપર-8 માં ભારતની ટક્કર

ભારત સુપર-8 સ્ટેજના ગ્રુપ-1 માં સામેલ છે. આ ગ્રુપમાં ભારતની સાથે વેસ્ટ ઈન્ડિઝ, ઝિમ્બાબ્વે અને સાઉથ આફ્રિકા જેવી મજબૂત ટીમો છે. ભારત તેની ત્રણેય સુપર-8 મેચો ભારતના અલગ-અલગ શહેરોમાં રમશે.

સુપર-8 ગ્રુપ ટેબલ:

લાઈવ સ્ટ્રીમિંગ વિગતો

ક્રિકેટ પ્રેમીઓ આ તમામ મેચોનું લાઈવ ટેલિકાસ્ટ ટીવી પર સ્ટાર સ્પોર્ટ્સ નેટવર્ક (Star Sports) પર જોઈ શકશે. જો તમે મોબાઈલ પર મેચ જોવો છો, તો JioHotstar એપ પર લાઈવ સ્ટ્રીમિંગ ઉપલબ્ધ રહેશે. આ મેચોની મજા હિન્દી, અંગ્રેજી અને ગુજરાતી સહિત અનેક પ્રાદેશિક ભાષાઓમાં માણી શકાશે.

સેમિફાઈનલ અને ફાઈનલનું ગણિત

ટૂર્નામેન્ટની પ્રથમ સેમિફાઈનલ 4 માર્ચે કોલકાતા/કોલંબો અને બીજી સેમિફાઈનલ 5 માર્ચે મુંબઈના વાનખેડેમાં રમાશે. ફાઈનલ મેચ 8 માર્ચના રોજ રમાવાની છે. જોકે, અહીં એક મહત્વનો વળાંક એ છે કે, જો પાકિસ્તાન સેમિફાઈનલ કે ફાઈનલ માટે ક્વોલિફાય થાય છે, તો તેમની મેચો શ્રીલંકા માં રમાશે. જો પાકિસ્તાન ફાઈનલમાં નહીં પહોંચે, તો ફાઇનલ મેચ અમદાવાદમાં જ થશે.

પાકિસ્તાન માટે કરો યા મરો : ગ્રુપ A નું સમીકરણ

આજે (18/02/2026) પાકિસ્તાન અને નામિબિયા વચ્ચે મેચ છે. પાકિસ્તાન માટે આ મેચ જીતવી અનિવાર્ય છે. જો પાકિસ્તાન હારી જશે, તો તે ટૂર્નામેન્ટમાંથી બહાર થઈ જશે અને USA સુપર-8 માં ક્વોલિફાય થશે. USA ના 4 પોઈન્ટ્સ છે અને તેમનો Net Run Rate (NRR) પાકિસ્તાન કરતાં ઘણો સારો છે.

ગ્રુપ A પોઈન્ટ ટેબલની સ્થિતિ: