T20 World Cup : T20 વર્લ્ડ કપ 2026 નો ઉત્સાહ હવે ચરમસીમાએ પહોંચ્યો છે. આજે, 9 ફેબ્રુઆરી 2026 ના રોજ ટૂર્નામેન્ટના ત્રીજા દિવસે ક્રિકેટ ફેન્સને એકસાથે ત્રણ રોમાંચક મેચો જોવા મળશે. ભારત અને શ્રીલંકાના સંયુક્ત યજમાનપદે રમાઈ રહેલા આ મહાકુંભમાં આજે એશિયાઈ અને આંતરરાષ્ટ્રીય ટીમો વચ્ચે જોરદાર ટક્કર થવાની છે. કોલકાતાના ઐતિહાસિક મેદાનથી લઈને વિશ્વના સૌથી મોટા સ્ટેડિયમ સુધી, આજે ક્રિકેટના મેદાન પર રસાકસીભર્યા દ્રશ્યો સર્જાશે.
સ્કોટલેન્ડ vs ઇટલી
આજની પ્રથમ મેચ કોલકાતાના ઐતિહાસિક Eden Gardens મેદાન પર સવારે 11 વાગ્યે સ્કોટલેન્ડ અને ઇટલી વચ્ચે શરૂ થઈ ગઈ છે. સ્કોટલેન્ડની ટીમ અનુભવી કેપ્ટન Richie Berrington ની આગેવાનીમાં મેદાનમાં ઉતરી છે, જ્યારે ઇટલીની ટીમ Wayne Madsen ના નેતૃત્વમાં વર્લ્ડ કપમાં પોતાની છાપ છોડવા માટે તૈયાર છે. આ બંને ટીમો વચ્ચેની ટક્કર જોવી રસપ્રદ રહેશે, કારણ કે બંને ટીમો ગ્રુપ સ્ટેજમાં મજબૂત શરૂઆત કરવા ઈચ્છશે.
ઝિમ્બાબ્વે vs ઓમાન
દિવસની બીજી મેચ બપોરે 3 વાગ્યે શ્રીલંકાના કોલંબોમાં આવેલા SSC Cricket Ground ખાતે ઝિમ્બાબ્વે અને ઓમાન વચ્ચે રમાશે. ઝિમ્બાબ્વેની કમાન સ્ટાર ઓલરાઉન્ડર Sikandar Raza ના હાથમાં છે, જેઓ પોતાના દમ પર મેચનું પાસું પલટવાની ક્ષમતા ધરાવે છે. બીજી તરફ, Jatinder Singh ની કેપ્ટનશીપ હેઠળ ઓમાનની ટીમ ઝિમ્બાબ્વેને આકરા પડકાર આપવા માટે પૂરી રીતે સજ્જ જોવા મળી રહી છે.
સાઉથ આફ્રિકા vs કેનેડા
દિવસની ત્રીજી અને સૌથી ચર્ચાસ્પદ મેચ સાઉથ આફ્રિકા અને કેનેડા વચ્ચે સાંજે 7 વાગે રમાશે. આ મેચ વિશ્વના સૌથી મોટા ક્રિકેટ સ્ટેડિયમ અમદાવાદના નરેન્દ્ર મોદી સ્ટેડિયમ ખાતે યોજાશે. સાઉથ આફ્રિકાના કેપ્ટન Aiden Markram ની ટીમ સ્પષ્ટ ફેવરિટ ગણાય છે, પરંતુ કેનેડાના કેપ્ટન Dilpreet Bajwa માટે આ મેચ પોતાની ટીમની ક્ષમતા દુનિયાને બતાવવાની મોટી તક સાબિત થઈ શકે છે.
