T20 World Cup; સુપર-8 ની કોઈ 4 ટીમો પહોંચશે સેમીફાઇનલમાં! : 12 મેચોથી સેમીફાઇનલિસ્ટ કેવી રીતે નક્કી થશે? જાણો સુપર-8 નું આખું ગણિત

T20 World Cup : T20 વર્લ્ડ કપ 2026 ની રોમાંચક સફર હવે તેના નિર્ણાયક તબક્કે પહોંચી ગઈ છે. 20 ટીમો સાથે શરૂ થયેલા આ મહાકુંભમાં હવે માત્ર 8 ટીમો બાકી રહી છે, જ્યારે 12 ટીમો બહાર થઈ ગઈ છે. શનિવાર, 21 ફેબ્રુઆરીથી 'સુપર-8' રાઉન્ડનો પ્રારંભ થઈ રહ્યો છે. ભારત, પાકિસ્તાન, શ્રીલંકા અને ઇંગ્લેન્ડ જેવી દિગ્ગજ ટીમો વચ્ચે હવે સેમીફાઇનલમાં પહોંચવા માટે જોરદાર ટક્કર જોવા મળશે.

બે ગ્રુપમાં વહેંચાઈ ટીમો

સુપર-8 રાઉન્ડ માટે ક્વોલિફાય થયેલી 8 ટીમોને બે અલગ-અલગ ગ્રુપમાં વહેંચવામાં આવી છે:

ગ્રુપ 1 : ભારત, સાઉથ આફ્રિકા, વેસ્ટ ઈન્ડિઝ અને ઝિમ્બાબ્વે.

ગ્રુપ 2 : ઇંગ્લેન્ડ, ન્યુઝીલેન્ડ, પાકિસ્તાન અને શ્રીલંકા.

શું છે સુપર-8 નું ફોર્મેટ?

સુપર-8 રાઉન્ડમાં દરેક ટીમે કુલ 3-3 મેચ રમવાની રહેશે. દરેક ટીમ પોતાના ગ્રુપની બાકીની ત્રણ ટીમો સામે એક-એક મેચ રમશે. આ રાઉન્ડમાં કુલ 12 મેચો રમાશે. લીગ સ્ટેજની જેમ જ અહીં પણ પોઇન્ટ્સના આધારે ટીમોનું રેન્કિંગ નક્કી થશે.

સેમીફાઇનલનો નિર્ણય કેવી રીતે લેવાશે?

• જ્યારે સુપર-8 ની તમામ 12 મેચો પૂર્ણ થશે, ત્યારે બંને ગ્રુપના પોઈન્ટ ટેબલ જોવામાં આવશે.

• ગ્રુપ 1 માંથી ટોચની 2 ટીમો અને ગ્રુપ 2 માંથી ટોચની 2 ટીમો સીધી સેમીફાઇનલ માટે ક્વોલિફાય થશે.

• બાકીની ટીમો (જે ત્રીજા અને ચોથા ક્રમે હશે) ટુર્નામેન્ટમાંથી બહાર થઈ જશે.

• સેમીફાઇનલમાં ગ્રુપ 1 ની નંબર-1 ટીમ ગ્રુપ 2 ની નંબર-2 ટીમ સામે ટકરાશે. જ્યારે બીજો મેચ ગ્રુપ 2 ની નંબર-1 અને ગ્રુપ 1 ની નંબર-2 ટીમ વચ્ચે થશે.

પાકિસ્તાન માટે ખાસ નિયમ

આ ટુર્નામેન્ટમાં એક વિશેષ બાબત એ છે કે, જો પાકિસ્તાનની ટીમ સેમીફાઇનલ કે ફાઇનલમાં પહોંચે છે, તો તે મેચો શ્રીલંકામાં આયોજિત કરવામાં આવશે.

સુપર-8 મુકાબલાનું સંપૂર્ણ શેડ્યૂલ