T20 World Cup; અફઘાનિસ્તાન અને ઓસ્ટ્રેલિયા માટે 'કરો યા મરો' મેચ! : શું ટ્રેવિસ હેડની ઓસ્ટ્રેલિયા શ્રીલંકાના વિજય રથને રોકી શકશે?

T20 World Cup : T20 વર્લ્ડ કપ 2026 હવે તેના રોમાંચક તબક્કામાં પહોંચી ગયો છે. આજે, 16 ફેબ્રુઆરી 2026 ના રોજ ટૂર્નામેન્ટનો 10 મો દિવસ છે અને કુલ 3 મહત્વની મેચો રમાવાની છે. અત્યાર સુધી 27 મેચો પૂર્ણ થઈ ચૂકી છે, જેમાં અનેક ઉલટફેર જોવા મળ્યા છે. આજે દિલ્હી, કોલકાતા અને કેન્ડીના મેદાન પર દિગ્ગજ ટીમો આમને-સામને ટકરાશે. ખાસ કરીને 'ગ્રુપ ઓફ ડેથ' અને સ્ટાર ખેલાડીઓની ઈજાને કારણે આજનો દિવસ પોઈન્ટ્સ ટેબલ માટે ખૂબ જ નિર્ણાયક સાબિત થશે.

મેચ 1 : અફઘાનિસ્તાન vs UAE (અરુણ જેટલી સ્ટેડિયમ, દિલ્હી)અફઘાનિસ્તાન માટે આ મેચમાં જીત મેળવવી અત્યંત જરૂરી છે, કારણ કે તેઓ ન્યુઝીલેન્ડ સામે હાર્યા બાદ સાઉથ આફ્રિકા સામે 'ડબલ સુપર ઓવર' માં કમનસીબે હારી ગયા હતા. રાશિદ ખાનની સેના સામે યુએઈ (UAE) નું પડકાર છે, જેણે કેનેડાને હરાવીને 2 પોઈન્ટ મેળવેલા છે. દિલ્હીની સ્પિન ફ્રેન્ડલી પિચ પર અફઘાન સ્પિનરો અને મોહમ્મદ વસીમની બેટિંગ વચ્ચે જબરદસ્ત મુકાબલો જોવા મળશે.

મેચ 2 : ઇંગ્લેન્ડ vs ઇટલી (ઈડન ગાર્ડન્સ, કોલકાતા)હેરી બ્રુકની કેપ્ટનશીપ હેઠળની ઇંગ્લેન્ડની ટીમ આ ટૂર્નામેન્ટમાં મિશ્ર પ્રદર્શન કરી રહી છે. નેપાળ સામે માંડ-માંડ જીત્યા બાદ વેસ્ટ ઈન્ડિઝ સામે તેમને મોટી હારનો સામનો કરવો પડ્યો હતો, જોકે સ્કોટલેન્ડને હરાવી તેઓ ફરી લયમાં આવ્યા છે. બીજી તરફ, વેઈન મેડસનની ઇટાલીએ નેપાળને હરાવીને સૌને ચોંકાવી દીધા છે. કોલકાતાના ઐતિહાસિક મેદાન પર ઇંગ્લેન્ડના પાવર-હિટર્સ અને ઇટાલીના જોશીલા ખેલાડીઓ વચ્ચે ટક્કર થશે.

મેચ 3 : શ્રીલંકા vs ઑસ્ટ્રેલિયા (પલ્લેકેલે સ્ટેડિયમ, કૅન્ડી)આજના દિવસની સૌથી મોટી મેચ શ્રીલંકા અને ઓસ્ટ્રેલિયા વચ્ચે છે. શ્રીલંકા હાલમાં ગ્રુપમાં ટોપ પર છે અને અત્યાર સુધી અજેય રહી છે, જ્યારે ટ્રેવિસ હેડની ઓસ્ટ્રેલિયા મુશ્કેલીમાં દેખાઈ રહી છે. મિશેલ માર્શ, પેટ કમિન્સ અને હેઝલવુડ જેવા દિગ્ગજોની ગેરહાજરીમાં ઓસ્ટ્રેલિયા ઝિમ્બાબ્વે સામે હારી ચૂક્યું છે. ઘરઆંગણે રમતી શ્રીલંકાની ટીમ આ તકનો લાભ ઉઠાવી ઓસ્ટ્રેલિયાને વધુ દબાણમાં લાવવા પ્રયત્ન કરશે.

આજનું મેચ શેડ્યૂલ (16 ફેબ્રુઆરી, 2026)