સ્વાઈન ફ્લૂ, જેને H1N1 તરીકે ઓળખવામાં આવે છે, તે એક અત્યંત ચેપી વાયરલ રોગ છે જે હાલ પણ લોકોમાં ફેલાય છે. સ્વાઈન ફ્લૂનો પહેલો કેસ 2009માં નોંધાયો હતો અને હવે આ વાયરસ ઝડપથી ફેલાઈ રહ્યો છે. આ વર્ષે જાન્યુઆરીમાં 500થી વધુ લોકો સ્વાઈન ફ્લૂથી સંક્રમિત થયા જેમાંથી 6 લોકોના મોત થયા છે. આ માટે કેન્દ્ર સરકારે માર્ગદર્શિકા બહાર પાડી છે.
કેન્દ્ર સરકાર દ્વારા બહાર પાડવામાં આવેલી એડવાઇઝરી અનુસાર, દિલ્લી, કર્ણાટક, કેરળ અને તમિલનાડુમાં સ્થિતિ ગંભીર છે, જ્યાં આ વર્ષે સૌથી વધુ કેસ નોંધાયા છે. જાન્યુઆરીમાં 500થી વધુ લોકોને સ્વાઈન ફ્લૂનો ચેપ લાગ્યો હતો. જ્યારે અન્ય 6 લોકોની સારવાર ચાલી રહી છે. આ ઉપરાંત પુડુચેરી, મહારાષ્ટ્ર, જમ્મુ-કાશ્મીર અને ગુજરાતમાં પણ સ્વાઈન ફ્લૂના કેસ નોંધાયા છે.
H1N1 ઈન્ફલ્યુએન્ઝા વાયરસ અગાઉ માત્ર ડુક્કરને અસર કરતો હતો, પરંતુ હવે તે મનુષ્યને પણ ચેપ લગાડી રહ્યો છે. સામાન્ય લક્ષણોમાં તાવ, ઉધરસ, ગળામાં દુખાવો, શરીરમાં દુખાવો, માથાનો દુખાવો, ઠંડી અને થાકનો અનુભવ. પરંતુ મોટાભાગના લોકો તેને સામાન્ય શરદી માને છે અને સારવારમાં વિલંબ કરે છે, જે સ્થિતિને વધુ ખરાબ બનાવે છે.
ચેપને રોકવા માટે તમારા હાથ નિયમિતપણે સાબુ અને પાણીથી ધોવા. જો સાબુ ઉપલબ્ધ ન હોય તો હેન્ડ સેનિટાઈઝરનો ઉપયોગ કરો.
ભીડવાળી જગ્યાએ માસ્ક પહેરો, જો કોઈને ઉધરસ હોય તો તેનાથી અંતર રાખો.
રોગપ્રતિકારક શક્તિ વધારવા માટે પૌષ્ટિક આહાર લો, જેમાં મોટી માત્રામાં વિટામિન સી અને ડી લો, તાજા ફળો, લીલા શાકભાજી, હળદરનું દૂધ અને તુલસી આદુની ચા પીવો.
