ICC T20I : ભારતીય કેપ્ટન સૂર્યકુમાર યાદવ બુધવારે ન્યુઝીલેન્ડ સામે ચાલી રહેલી પાંચ મેચની સિરીઝમાં શાનદાર પર્ફોમન્સ પછી ICC (ઇન્ટરનેશનલ ક્રિકેટ કાઉન્સિલ) ના મેન્સના T20I બેટ્સમેન રેન્કિંગમાં 5 સ્થાન ઉપર આવીને સાતમા સ્થાને પહોંચી ગયો છે.
સૂર્યકુમાર યાદવ અને અભિષેક શર્મા
ભારતે અત્યાર સુધી પાંચ મેચની સિરીઝની પ્રથમ ત્રણ મેચ જીતી છે. પૂર્વ નંબર વન સૂર્યકુમાર યાદવએ આ મેચોમાં 32, 82 (નોટઆઉટ) અને 57 (નોટઆઉટ) રન બનાવ્યા, જેના કારણે સૂર્યકુમાર યાદવનું ICC T20I રેન્કિંગમાં પ્રમોશન થયું છે. T20 વર્લ્ડ કપ પહેલા ભારતનો વિસ્ફોટક ઓપનર અભિષેક શર્મા બેટિંગ રેન્કિંગમાં ટોપ પર યથાવત છે, જ્યારે ઈજાને કારણે સિરીઝમાં ન રમી રહેલા તિલક વર્મા ત્રીજા ક્રમે છે.
ઈશાન કિશન રેન્કિંગમાં કમબેક
રાયપુરમાં રમાયેલી બીજી મેચમાં 32 બોલમાં 76 રન બનાવનાર ઈશાન કિશન 64 મા ક્રમે ફરી પ્રવેશ કર્યો છે. શિવમ દુબે (નવ ક્રમ ઉપર 58 મા સ્થાને) અને રિંકુ સિંહ (13 સ્થાન ઉપર 68 મા સ્થાને) ને પણ તેમના સારા પર્ફોમન્સ બદલ તેમનું પણ પ્રમોશન કરવામાં આવ્યું છે.
અન્ય ખેલાડીઓના ક્રમમા શું ફેરફાર?
દુબઈમાં વેસ્ટ ઈન્ડિઝ સામે 2-1 થી સિરીઝ જીત દરમિયાન શાનદાર પર્ફોમન્સ કરનાર અફઘાનિસ્તાનના ઓપનર ઇબ્રાહિમ ઝદરાન બે ક્રમ ઉપર ચઢીને 13 મા સ્થાને પહોંચી ગયા છે, અને રહેમાનુલ્લાહ 3 સ્થાન ઉપર ચઢીને 15 મા સ્થાને પહોંચી ગયો છે. પ્લેયર ઓફ ધ સિરીઝ દરવિશ રસુલી 29 સ્થાન ઉપર ચઢીને 87 મા સ્થાને પહોંચી ગયા છે. સાઉથ આફ્રિકાના કેપ્ટન એડન માર્કરામ, વેસ્ટ ઈન્ડિઝ સામેની પહેલી મેચમાં 47 બોલમાં નોટઆઉટ 86 રન ફટકારીને, ટોપ 20 મા સ્થાન મેળવ્યું છે. વેસ્ટ ઈન્ડિઝના બ્રાન્ડન કિંગ (15 સ્થાન ઉપર 35 મા સ્થાને) અને ન્યુઝીલેન્ડના ગ્લેન ફિલિપ્સ (18 સ્થાન ઉપર 44 મા સ્થાને) પણ આગળ વધ્યા છે.
બોલરોમાં, જસપ્રીત બુમરાહ 13 મા ક્રમે છે
અફઘાનિસ્તાનના સ્પિનર મુજીબ ઉર રહેમાન T20I બોલરોના રેન્કિંગમાં 5 સ્થાન ઉપર આવીને 9 મા સ્થાને પહોંચી ગયા છે. ભારતના જસપ્રીત બુમરાહ (4 સ્થાન ઉપર આવીને 13 મા સ્થાને) અને રવિ બિશ્નોઈ (13 સ્થાન ઉપર આવીને 19 મા સ્થાને) એ પણ પોતાના રેન્કિંગમાં સુધારો કર્યો છે. સાઉથ આફ્રિકાના કોર્બિન બોશ 8 સ્થાન ઉપર આવીને કારકિર્દીના શ્રેષ્ઠ 32 મા સ્થાને પહોંચી ગયા છે.
હાર્દિક પંડ્યા ઓલરાઉન્ડરોના રેન્કિંગમાં 3 સ્થાને
ત્રણ મેચમાં ચાર વિકેટ લેનાર ભારતના હાર્દિક પંડ્યા બોલિંગ રેન્કિંગમાં 18 સ્થાનના ફાયદા સાથે 59 મા સ્થાને પહોંચી ગયો છે. તે બેટિંગ રેન્કિંગમાં પણ 2 સ્થાનના ફાયદા સાથે 53 મા સ્થાને પહોંચી ગયો છે. હાર્દિક પંડ્યા ઓલરાઉન્ડરોના રેન્કિંગમાં પણ 1 સ્થાનના ફાયદા સાથે 3 સ્થાને પહોંચી ગયો છે.
ODI માં હેરી બ્રુક અને જો રૂટનું પ્રમોશન
ODI રેન્કિંગમાં, ઇંગ્લેન્ડના બેટ્સમેન હેરી બ્રુક 17 સ્થાન ઉપર આવીને 11 મા સ્થાને પહોંચી ગયા છે અને જો રૂટ 23 મા સ્થાનેથી 17 મા સ્થાને પહોંચી ગયા છે.
