સુપર ઓવરે બદલ્યો ઓરેન્જ અને પર્પલ કેપનો નકશો : જાણો કોણ આવ્યું રેસમાં આગળ?

IPL 2025 Purple Cap Orange Cap: હાલમાં ભારતમાં IPL 2025નો જંગ ચાલી રહ્યો છે. આ લીગની પ્રથમ સુપર ઓવર બુધવારે જોવા મળી હતી, જ્યાં દિલ્હી કેપિટલ્સે રાજસ્થાન રોયલ્સને હરાવ્યું હતું. આ મેચ બાદ ઓરેન્જ અને પર્પલ કેપ્સમાં બદલાવ જોવા મળ્યો છે. લખનૌ સુપર જાયન્ટ્સનો નિકોલસ પૂરન હજુ પણ લીગમાં સૌથી વધુ રન બનાવનાર ખેલાડીઓમાં ટોચના સ્થાને છે. તેમણે અત્યાર સુધી સાત મેચમાં કુલ 357 રન બનાવ્યા છે, જેમાં 87 રન તેનો સર્વોચ્ચ સ્કોર છે.

આ યાદીમાં બીજા નંબર પર ગુજરાત ટાઇટન્સનો સાઇ સુદર્શન છે, જેમણે 6 મેચમાં કુલ 329 રન બનાવ્યા છે. ત્રીજા સ્થાને LSGનો મિશેલ માર્શ 6 મેચમાં 295 રન સાથે છે. હવે વાત કરીએ પર્પલ કેપની, જ્યાં ચેન્નાઈ સુપર કિંગ્સના નૂર અહેમદ હજુ પણ ટોચના સ્થાને છે. નૂરે અત્યાર સુધી સાત મેચમાં કુલ 12 વિકેટ લીધી છે.

યાદીમાં બીજા નંબર પર દિલ્હી કેપિટલ્સનો કુલદીપ યાદવ છે, જેણે 6 મેચમાં કુલ 11 વિકેટ લીધી છે. CSKનો ખલીલ અહેમદ આ યાદીમાં ત્રીજા સ્થાને છે, જેણે સાત મેચમાં કુલ 11 વિકેટ લીધી છે.