Sunny Deol New Film: સની પાજી અને જ્યોતિકા સાથે ફરહાન અખ્તરના એક્સેલ એન્ટરટેઈનમેન્ટનો પહેલો સહયોગ, એ.આર. મુરુગાદોસના ક્રિએટિવ ઇનપુટ સાથે!' બોર્ડર 2'ની સફળતાએ બોક્સ ઓફિસ પર ધમાલ મચાવી દીધી છે. રિલીઝના માત્ર બે દિવસમાં આ ફિલ્મે લગભગ ₹72-80 કરોડની આસપાસની કમાણી કરી છે (વિવિધ અહેવાલ મુજબ બે દિવસમાં ₹66થી ₹79 કરોડ સુધીની નેટ કલેક્શન), જે સની દેઓલની સ્ટાર પાવરને ફરી એક વખત સાબિત કરે છે. 68 વર્ષીય સની દેઓલે 'ગદર 2' અને હવે 'બોર્ડર 2'થી બોલિવૂડમાં પોતાનું દબદબો જમાવ્યું છે.
સફળતાની વચ્ચે આવી છે એક મોટી અને રોમાંચક જાહેરાત
આ જ સફળતાની વચ્ચે આવી છે એક મોટી અને રોમાંચક જાહેરાત! નિર્માતા રિતેશ સિધવાની અને ફરહાન અખ્તરની પ્રખ્યાત પ્રોડક્શન હાઉસ એક્સેલ એન્ટરટેઈનમેન્ટએ સની દેઓલ સાથે પહેલી વખત સહયોગ કર્યો છે. આ અનટાઈટલ્ડ એક્શન-થ્રિલર ફિલ્મમાં સની દેઓલ સાથે દક્ષિણ ભારતીય સુપરસ્ટાર જ્યોતિકા મુખ્ય ભૂમિકામાં જોવા મળશે – આ બંનેની પહેલી ઓન-સ્ક્રીન જોડી હશે!
દિગ્દર્શન કરશે બાલાજી ગણેશન
ફિલ્મનું દિગ્દર્શન કરશે બાલાજી ગણેશન (બાલાજી), જે આ પ્રોજેક્ટ સાથે તેમનું ડાયરેક્ટોરિયલ ડેબ્યૂ કરશે. તેઓ અગાઉ તમિલ સિનેમામાં અસિસ્ટન્ટ અને એસોસિયેટ ડિરેક્ટર તરીકે કામ કરી ચૂક્યા છે. પ્રખ્યાત ડિરેક્ટર એ.આર. મુરુગાદોસ ('ગજની', 'થુપ્પક્કી', 'હોલિડે' જેવી હિટ ફિલ્મો માટે જાણીતા) આ પ્રોજેક્ટમાં ક્રિએટિવ ઇનપુટ અને માર્ગદર્શન આપી રહ્યા છે, જે ફિલ્મને વધુ શક્તિશાળી અને એક્શનથી ભરપૂર બનાવશે.
એક્શન-થ્રિલર
આ ફિલ્મ ઉચ્ચ-કન્સેપ્ટ, ભાવનાત્મક ઊંડાણ સાથેની એક્શન-થ્રિલર હશે, જેમાં સની દેઓલને એવા એવતારમાં જોવા મળશે જે દર્શકોને ગમે છે – પાવરફુલ અને એક્શન-પેક્ડ! શૂટિંગ ફેબ્રુઆરી 2026થી શરૂ થવાનું છે (અગાઉના શેડ્યૂલને 'બોર્ડર 2'ના પ્રમોશનને કારણે થોડું સ્થગિત કરવામાં આવ્યું હતું).
બોલિવૂડમાં નવો ઇતિહાસ રચી શકે
સની દેઓલના ચાહકોમાં આ જાહેરાતથી ખુશીની લહેર ફેલાઈ ગઈ છે. 'દિલ ચાહતા હૈ', 'ડોન', 'ઝિંદગી ના મિલેગી દોબારા' જેવી આઈકોનિક ફિલ્મો બનાવનાર એક્સેલ એન્ટરટેઈનમેન્ટ અને સની પાજીનું આ કોમ્બિનેશન બોલિવૂડમાં નવો ઇતિહાસ રચી શકે છે!આ નવો પ્રોજેક્ટ સની દેઓલના કરિયરમાં એક નવો અધ્યાય શરૂ કરશે – શું તમે પણ ઉત્સુક છો?
