રાત્રે સૂતી વખતે મોબાઈલ વાપરો છો તો થઈ જાઓ સાવધાન : આ રિસર્ચમાં ઉંઘ ઉડી જાય તેવા થયા છે ખુલાસા

જો તમે પણ એ લોકોમાંના છો કે જેઓ રાત્રે સૂતા પહેલા તેમનો ફોન વાપરે છે તો આ આદતને ઝડપથી બદલી નાખો. લગભગ બે વર્ષ સુધી ચાલેલા એક અભ્યાસમાં જાણવા મળ્યું છે કે સૂતા પહેલા ફોન જોવાથી ઘણું નુકસાન થઈ શકે છે. વધુમાં, તે તમામ ઉંમરના લોકોને અસર કરે છે. બાળકોથી માંડીને વૃદ્ધો સુધી, રાત્રે સૂતા પહેલા ફોનનો ઉપયોગ કરતા હોય છે. ચાલો જાણીએ સૂતા પહેલા ફોન જોવાના ગેરફાયદા શું છે.

એક મિલિયનથી વધુ લોકોનો અભ્યાસ
આ અભ્યાસ જામા જર્નલમાં પ્રકાશિત થયો હતો. લગભગ 2 વર્ષ સુધી આ રિસર્ચમાં લગભગ 1.22 લાખ લોકોએ ભાગ લીધો હતો. આ અભ્યાસમાં લોકો સૂતા પહેલા તેમના ફોનનો ઉપયોગ કરવાની રીત પર ધ્યાન આપવામાં આવ્યું હતું. અભ્યાસમાં જાણવા મળ્યું છે કે જે લોકો સૂતા પહેલા ફોન જુએ છે તેમની ઊંઘની ગુણવત્તા બાકીના લોકો કરતાં વસ્તી કરતા 33 ટકા વધુ ખરાબ હોય છે. એટલે કે, ફોન જોવાથી ઊંઘને અસર કરે છે. સંશોધનમાં એવું પણ બહાર આવ્યું છે કે સૂતા પહેલા સ્ક્રીન સાથે ફોન અને અન્ય ઉપકરણો જોવાથી તમામ ઉંમરના લોકોને અસર થાય છે.

અત્યાર સુધીનું સૌથી મહત્વપૂર્ણ સંશોધન
સૂતા પહેલા ફોન જોવાની અસર અને ઊંઘ પર તેની અસર પર આ અત્યાર સુધીનો સૌથી મોટો અભ્યાસ છે. તે માત્ર ઊંઘની ગુણવત્તાને જ નહીં પરંતુ ઊંઘના સમયમાં પણ અસર કરે છે. એક અભ્યાસમાં જાણવા મળ્યું છે કે ફોન જોવો તે વીકએન્ડ કરતાં વીકડેઝ દરમિયાન ઉંઘ લેવાના સમયને પ્રભાવિત કરી શકે છે. આનો અર્થ એ છે કે ઓછી ઊંઘ લેવાથી કામ પર અસર થશે અને તમારી ઉત્પાદકતામાં ઘટાડો થઈ શકે છે. ફોન જોવાને કારણે લોકોને દર અઠવાડિયે સરેરાશ 50 મિનિટ ઓછી ઊંઘ મળી રહી છે.