યુટ્યુબર સૌરવ જોશી અને અવંતિકાના છૂટાછેડાની અફવાઓ: વ્લોગરે આપ્યો રહસ્યમય જવાબ
ભારતના સૌથી લોકપ્રિય અને 40 million થી વધુ સબસ્ક્રાઇબર્સ ધરાવતા ડેઇલી વ્લોગર સૌરવ જોશી (Sourav Joshi) હાલમાં પોતાની પર્સનલ લાઈફને લઈને ભારે ચર્ચામાં છે. સોશિયલ મીડિયા પર એવી અફવાઓ જોર પકડી રહી છે કે લગ્નના માત્ર થોડા જ મહિનાઓમાં સૌરવ જોશી અને તેની પત્ની અવંતિકા ભટ્ટ (Avantika Bhatt) ના સંબંધોમાં તિરાડ પડી છે અને તેઓ અલગ થઈ રહ્યા છે. આ અફવાઓ વચ્ચે હવે ખુદ સૌરવ જોશીએ વ્લોગમાં આ અંગે પ્રતિક્રિયા આપી છે.
છેલ્લા કેટલાક અઠવાડિયાથી અવંતિકા સૌરવના દૈનિક વ્લોગ્સમાં જોવા નથી મળી રહી, જેના કારણે ફેન્સ સતત સવાલો પૂછી રહ્યા હતા.
વ્લોગમાં સૌરવ જોશીએ શું આપ્યો જવાબ?
સતત વધી રહેલી અટકળો બાદ સૌરવ જોશીએ પોતાના તાજેતરના એક વ્લોગમાં આ વિષય પર વાત કરી હતી. જોકે, તેણે કોઈ સ્પષ્ટ ખુલાસો કરવાને બદલે એક રહસ્યમય નિવેદન આપ્યું છે. સૌરવે વ્લોગમાં કહ્યું:
"એક સવાલ જે દરેક વ્યક્તિ પૂછી રહી છે કે અવંતિકા ક્યાં છે, વ્લોગમાં કેમ નથી આવી રહી અને શું થયું છે. તો જે પણ થયું છે, તે હું તમને અત્યારે નહીં જણાવી શકું. જ્યારે તે વસ્તુ કમ્પ્લીટ (Complete) થઈ જશે, ત્યારે હું તમને બધું જણાવી દઈશ."
સૌરવના આ નિવેદનથી ફેન્સ વધુ મૂંઝવણમાં મુકાયા છે, કારણ કે તેણે છૂટાછેડાની અફવાઓનો સીધો ઇનકાર પણ કર્યો નથી.
ડિસેમ્બર 2025માં થયા હતા લગ્ન
સૌરવ જોશી અને અવંતિકા ભટ્ટના લગ્ન 6 December 2025 ના રોજ ઉત્તરાખંડના ઋષિકેશમાં એક ભવ્ય સમારોહમાં થયા હતા. આ એક અરેન્જ્ડ મેરેજ હતા અને બંને પરિવારો વર્ષોથી એકબીજાને ઓળખતા હતા. અવંતિકા ઉત્તરાખંડના એક પ્રખ્યાત જ્યોતિષની પુત્રી છે અને ઇન્સ્ટાગ્રામ પર તેના 1.1 million થી વધુ ફોલોઅર્સ છે. લગ્ન બાદ તે સતત સૌરવના વ્લોગ્સમાં સક્રિય દેખાતી હતી, જેથી તેની અચાનક ગેરહાજરીએ સૌનું ધ્યાન ખેંચ્યું છે
શું ખરેખર સંબંધો ખરાબ છે?
સોશિયલ મીડિયા પર છૂટાછેડા, પ્રેગ્નન્સી અને અણબનાવ જેવી ઘણી અફવાઓ વાયરલ થઈ રહી છે, પરંતુ હજી સુધી બંનેમાંથી કોઈએ પણ સત્તાવાર રીતે અલગ થવાની જાહેરાત કરી નથી. બીજી તરફ, મે મહિનામાં જ અવંતિકાએ સૌરવ સાથેનો એક સુંદર વીડિયો ઇન્સ્ટાગ્રામ પર શેર કર્યો હતો અને સૌરવની યુટ્યુબ સફળતાની એક ઇવેન્ટમાં પણ તે સાથે જોવા મળી હતી. આથી, ઘણા ફેન્સનું માનવું છે કે પરિસ્થિતિ એટલી ખરાબ નથી જેટલી સોશિયલ મીડિયા પર બતાવવામાં આવી રહી છે.
