ભારતીય ક્રિકેટ દિગ્ગજ અને ભૂતપૂર્વ કેપ્ટન સૌરવ ગાંગુલીએ પોતાની નવી ઇનિંગ શરૂ કરી છે. તે ટૂંક સમયમાં કોઈ મોટી ક્રિકેટ લીગમાં મુખ્ય કોચ તરીકે કામ કરતો જોવા મળશે. આ પહેલી વાર હશે જ્યારે તે કોઈ ટીમમાં મુખ્ય કોચ તરીકે જોડાશે. તાજેતરમાં, તેમણે ટીમ ઈન્ડિયાના કોચ બનવાની ઇચ્છા પણ વ્યક્ત કરી હતી. તેમણે કહ્યું હતું કે હું ભારતીય ટીમનો કોચ બનવા માટે તૈયાર છું.
પ્રિટોરિયા કેપિટલ્સના કોચ તરીકે સૌરવ ગાંગુલીની નિમણૂક
દક્ષિણ આફ્રિકાની T20 લીગ SA20 ની આગામી સીઝન માટે પ્રિટોરિયા કેપિટલ્સના મુખ્ય કોચ તરીકે સૌરવ ગાંગુલીની નિમણૂક કરવામાં આવી છે. કોઈ વ્યાવસાયિક ક્રિકેટ ટીમ સાથે પૂર્ણ-સમય કોચિંગનો આ ગાંગુલીનો પહેલો અનુભવ હશે. પ્રિટોરિયા કેપિટલ્સે સોશિયલ મીડિયા પર એક પોસ્ટ શેર કરીને ગાંગુલીની નિમણૂકની સત્તાવાર જાહેરાત કરી હતી.
2025માં ફ્રેન્ચાઇઝીનું નિરાશાજનક પ્રદર્શન
ગાંગુલીએ BCCI પ્રમુખ તરીકે પણ યોગદાન આપ્યું હતું. તેઓ IPL અને WPLમાં દિલ્હી કેપિટલ્સ સાથે ક્રિકેટ ડિરેક્ટર તરીકે સંકળાયેલા હતા. SA20 ની આગામી સીઝન 26 ડિસેમ્બર 2025 થી 25 જાન્યુઆરી 2026 સુધી ચાલશે. આ ફ્રેન્ચાઇઝી પહેલી સીઝનમાં ફાઇનલમાં પહોંચી હતી, પરંતુ 2025માં તેમનું પ્રદર્શન ખૂબ જ ખરાબ રહ્યું હતું.
