બોલીવુડ એક્શન હીરો અજય દેવગન તેની આગામી ફિલ્મ 'સન ઓફ સરદાર 2' દ્વારા મોટા પડદા પર ધમાકો કરવા માટે તૈયાર છે. નિર્માતાઓએ ફિલ્મનું બીજું ટ્રેલર પણ રિલીઝ કર્યું છે. આ ટ્રેલર માત્ર સંપૂર્ણ મનોરંજનનું વચન આપતું નથી, પરંતુ દર્શકોને હાસ્ય, ભાવના અને એક્શનનો જોરદાર ડોઝ પણ આપે છે. ટ્રેલર અજય દેવગનના પાત્ર 'જસ્સી રંધાવા' થી શરૂ થાય છે, જે ટ્રેક્ટર ચલાવતો જોવા મળે છે. આ દરમિયાન, બેકગ્રાઉન્ડમાં એક અવાજ આવે છે - 'આ તમારો જસ્સી છે, જેના ભાગ્યમાં ફક્ત ફસાઈ જવાનું લખ્યું છે.' પહેલો ખોટો પ્રેમમાં ફસાયો, બીજો ચાર છોકરીઓ વચ્ચે ફસાઈ ગયો, ત્રીજો માફિયા ફેમિલી વચ્ચે ફસાયો અને ચોથો બેબેના વચન વચ્ચે ફસાઈ ગયો.''
ટ્રેલરમાં જોઈ શકાય છે કે અજય દેવગનનું પાત્ર લગ્ન કર્યા પછી ખૂબ જ ખુશ છે. જોકે, લગ્નના થોડા દિવસો પછી જ તેની પત્ની (નીરુ બાજવા) તેની પાસેથી છૂટાછેડા માંગવાનું શરૂ કરે છે. અહીંથી જ જસ્સીના વનની વાસ્તવિક વાર્તા શરૂ થાય છે, જેમાં તેને એક પછી એક ઘણી સમસ્યાઓનો સામનો કરવો પડે છે. ટ્રેલરમાં જસ્સીના પાત્રને રમુજી રીતે રજૂ કરવામાં આવ્યું છે. તે જ સમયે, અજય દેવગનની ડાયલોગ ડિલિવરી ટ્રેલરને વધુ શાનદાર બનાવે છે.
ટ્રેલરના અંતે, અજય દેવગનનો એક્શન અવતાર બતાવવામાં આવ્યો છે, જે તેના ચાહકો માટે એક મોટું સરપ્રાઈઝ છે. જેને સોશિયલ મીડિયા પ્લેટફોર્મ પર ફેન્સ આવકારી રહ્યા છે.
