આપણે બધા જીન્સ, ટી-શર્ટ કે જેકેટને બે-ત્રણ વખત પહેરી લઈએ છીએ, કારણ કે તે બહારથી સ્વચ્છ લાગે છે. પરંતુ શું તમે જાણો છો કે, તમારા કપડામાં એક એવી વસ્તુ છે. જેને ધોયા વિના ફરીથી પહેરવી જોઈએ નહીં, છતાં તમે તેને ઘણીવાર પહેરો છો? આ વાંચીને, તમે વિચારતા હશો કે આ તે કઈ વસ્તુ છે. જો તમે વિચારી રહ્યા છો, તો તમારા મગજ પર વધારે ભાર ન આપો, કારણ કે અમે તમને કહીશું, કે તે પગના મોજાં છે.
તમારા પગના મોજાંમાં એવી ગંદકી અને જીવાણુઓ જમા થાય છે. જે બહારથી દેખાતા નથી, પણ તેનાથી તમારા પગ અને આખા ઘરને ગંભીર જોખમ થઈ શકે છે? દિવસભર પરસેવો, મૃત ત્વચા અને ધૂળના કારણે મોજાં બેક્ટેરિયા તેમજ ફૂગનું આવાસ બની જાય છે, જેના કારણે દુર્ગંધ તો આવે જ છે, સાથે ફંગલ ઇન્ફેક્શન અને એથ્લીટ ફુટ જેવી સમસ્યાઓ પણ વધી જાય છે. સંશોધનો કહે છે કે એક જોડી મોજાંમાં ટી-શર્ટ કરતાં હજારો ગણા વધુ જીવાણુઓ હોય છે! તો શું તમે પણ દરરોજ નવા મોજાં પહેરો છો કે ફરીથી પહેરી લો છો? જાણો આજે જ કે મોજાંને યોગ્ય રીતે કેવી રીતે સાફ રાખવા અને તમારા પગને સ્વસ્થ રાખવા!
મોજાંમાંથી આટલી ઝડપથી દુર્ગંધ કેમ આવે છે?
પગમાં ઘણી બધી પરસેવાની ગ્રંથીઓ હોય છે. પરસેવામાંથી ગંધ આવતી નથી, પરંતુ જ્યારે પરસેવો અને મૃત ત્વચા (ડેડ સ્કિન) બેક્ટેરિયાના સંપર્કમાં આવે છે, ત્યારે તેમાંથી દુર્ગંધ આવવા લાગે છે. મોજાં આ પરસેવાને સંપૂર્ણપણે શોષી લે છે, અને આ ભેજવાળી જગ્યા બેક્ટેરિયા અને ફૂગ માટે એક સંપૂર્ણ સંવર્ધન સ્થળ બની જાય છે. મોજાંમાં ફક્ત તમારા પગની ગંદકી જ હોતી નથી; તેમાં જમીન, જીમ, તમારા ઘર અથવા તમારા જૂતામાંથી વિવિધ જંતુઓ પણ રહે છે. સંશોધનો તો એવું પણ સૂચવે છે કે મોજાં ટી-શર્ટ કરતાં અનેક ગણા વધુ બેક્ટેરિયા ધરાવે છે. આનો અર્થ એ છે કે મોજાં સ્વચ્છ દેખાતા હોવા છતાં, તેમાં ઘણી બધી ગંદકી અને જંતુઓ હોઈ શકે છે.
જો તમે ગંદા મોજાં ફરીથી પહેરો તો શું થઈ શકે?
ગંદા મોજાંમાં રહેલા જંતુઓ ફક્ત તમારા પગ સુધી મર્યાદિત નથી, પરંતુ તમારા પલંગ, ફ્લોર, સોફા અને જૂતામાં પણ ફેલાઈ શકે છે.
આવા મોજાં વારંવાર પહેરવાથી ફંગલ ઇન્ફેક્શનનું જોખમ વધી જાય છે, ખાસ કરીને એથ્લીટ ફુટ (પગમાં દાદર) જેવી સમસ્યાઓ ઝડપથી થઈ શકે છે.
જો તમને પહેલાથી જ કોઈ ફંગલ સમસ્યા છે, તો ગંદા મોજાં તે ચેપને વધુ વધારે છે.4. જો તમારા જૂતા ભીના રહે અને તમે તેને વારંવાર પહેરો, તો ગંધ અને ચેપ બંને ઝડપથી વધી શકે છે.
તમારા પગ અને મોજાંને યોગ્ય રીતે કેવી રીતે સાફ કરવા?
દરરોજ નવા મોજાં પહેરો: તમે જે મોજાં પહેરી લીધા છે તેને ધોયા વગર ફરીથી ન પહેરો, ભલે તે સ્વચ્છ દેખાય. છુપાયેલી ગંદકી દેખાતી નથી.
દિવસમાં બે વાર તમારા પગ ધોવા: તમારા પગને સાબુથી સારી રીતે ધોઈ લો અને પછી તેને સારી રીતે કોરા કરો. ખાસ કરીને તમારા પગની આંગળીઓની વચ્ચેની જગ્યા ભીની ન રહે.
યોગ્ય પ્રકારના મોજાં પહેરો: કોટન, બામ્બુ અથવા એન્ટિ-માઇક્રોબાયલ ફેબ્રિકથી બનેલા મોજાં ઓછા પરસેવાને શોષે છે અને ગંધ પણ ઓછી આવે છે.
મોજાં કેવી રીતે ધોવા?
બધી ગંદકી અને પરસેવો દૂર કરવા માટે મોજાં અંદરથી ધોઈ લો. ગરમ પાણીમાં (લગભગ 60°C) ધોવા બેસ્ટ માનવામાં આવે છે. આ બેક્ટેરિયા અને ફૂગનો નાશ કરે છે. જો તમે ઠંડા કે સામાન્ય પાણીમાં ધોતા હોવ, તો મોજાંને તડકામાં સારી રીતે સૂકવી લો અથવા પછી તેને હળવી ગરમ ઇસ્ત્રી કરી લો.
