Simran Bala: આજે 26 જાન્યુઆરી, 2026ના રોજ દિલ્હીના કર્તવ્ય પથ પર યોજાયેલી પ્રજાસત્તાક દિવસની પરેડમાં એક ઐતિહાસિક ક્ષણ નોંધાઈ છે. સેન્ટ્રલ રિઝર્વ પોલીસ ફોર્સ (CRPF)ની 26 વર્ષીય આસિસ્ટન્ટ કમાન્ડન્ટ સિમરન બાલાએ સંપૂર્ણ પુરુષ ટુકડી (140થી વધુ પુરુષ જવાનોના દસ્તા)નું નેતૃત્વ કર્યું છે. આ ભારતીય અર્ધલશ્કરી દળના ઇતિહાસમાં પહેલી વખત બન્યું છે કે કોઈ મહિલા અધિકારીએ આવી ટુકડીનું કમાન્ડ સંભાળ્યું હોય.
સિમરન બાલા કોણ છે?
સિમરન બાલા જમ્મુ અને કાશ્મીરના રાજૌરી જિલ્લાની રહેવાસી છે. તેઓ આ જિલ્લાની પ્રથમ મહિલા છે જેઓ CRPFમાં અધિકારી તરીકે ભરતી થઈ છે. તેણીએ જમ્મુના ગાંધી નગર સ્થિત સરકારી મહિલા કોલેજમાંથી રાજકીય વિજ્ઞાનમાં સ્નાતકની ડિગ્રી મેળવી છે. 2025માં તેણીએ UPSC દ્વારા આયોજિત CAPF આસિસ્ટન્ટ કમાન્ડન્ટ પરીક્ષા પાસ કરી અને CRPFમાં કમિશન્ડ થઈ. તેણીનું પ્રથમ પોસ્ટિંગ છત્તીસગઢની 'બસ્તરિયા' બટાલિયનમાં થયું, જ્યાં તેણીએ નક્સલ વિરોધી કામગીરીમાં ભાગ લીધો.
ઉત્કૃષ્ટ તાલીમ અને જાહેર ભાષણ માટે પુરસ્કારો
ગુડગાંવ સ્થિત CRPF એકેડેમીમાં તાલીમ દરમિયાન તેણીને ઉત્કૃષ્ટ તાલીમ અને જાહેર ભાષણ માટે પુરસ્કારો પણ મળ્યા છે. આ પસંદગી તેમના અસાધારણ નેતૃત્વ કૌશલ્ય, ફરજ પ્રત્યેની નિષ્ઠા અને કામગીરીને ધ્યાનમાં રાખીને કરવામાં આવી છે. આ ઘટના મહિલાઓની સશક્તિકરણ અને સૈન્ય-અર્ધલશ્કરી ક્ષેત્રમાં લિંગ સમાનતાનું પ્રતીક બની છે. આજની પરેડમાં CRPF અને SSBની સંયુક્ત 'ડેર ડેવિલ્સ' બાઇક ટીમ પણ એનફિલ્ડ બુલેટ પર સવાર થઈને ભાગ લીધો, જેમાં મહિલાઓની ભાગીદારી વધુ રસપ્રદ રહી. સિમરન બાલાની આ સિદ્ધિ દેશની યુવા પેઢી માટે પ્રેરણાદાયી છે!
