Shubman Gill: ભારતનો સ્ટાર ખેલાડી શુભમન ગિલ હાલના દિવસોમાં ચેમ્પિયન્સ ટ્રોફી 2025માં જોરદાર ફોર્મમાં છે. આ ટૂર્નામેન્ટમાં ગિલના બેટે અત્યાર સુધી ખૂબ જ સારું પ્રદર્શન કર્યું છે. તેમણે બાંગ્લાદેશ સામે પહેલી જ મેચમાં સદીફટકારી હતી. હવે ICCએ ગિલને મોટા એવોર્ડ માટે નોમિનેટ કર્યો છે. તેમના સિવાય બે વિદેશી ખેલાડીઓને પણ આ યાદીમાં સ્થાન મળ્યું છે.
શુભમન ગિલ એક મોટા એવોર્ડ માટે નોમિનેટ
શુભમન ગિલને ફેબ્રુઆરી માટે ICC પ્લેયર ઓફ ધ મન્થ માટે નોમિનેટ કરવામાં આવ્યો છે. ગિલે ફેબ્રુઆરીમાં ભારત માટે શાનદાર પ્રદર્શન કર્યું હતું. તેણે ઈંગ્લેન્ડ સામે રમાયેલી ત્રણ મેચની વનડે શ્રેણીમાં સારી બેટિંગ કરી હતી. તેણે ઈંગ્લેન્ડ સામેની પ્રથમ મેચમાં 87 રન, બીજી મેચમાં 60 અને ત્રીજી મેચમાં 112 રન બનાવ્યા હતા. આ પછી તે ચેમ્પિયન્સ ટ્રોફી 2025માં પણ શાનદાર પ્રદર્શન કરી રહ્યો છે. તેણે બાંગ્લાદેશ સામે 101 રન અને પાકિસ્તાન સામે 46 રનની ઇનિંગ્સ પણ રમી હતી. ફેબ્રુઆરી મહિનામાં ગિલે 5 મેચમાં 101.50ની શાનદાર એવરેજ સાથે 406 રન બનાવ્યા હતા.
ગ્લેન ફિલિપ્સ અને સ્ટીવ સ્મિથને પણ સ્થાન મળ્યું..
ગ્લેન ફિલિપ્સ અને સ્ટીવ સ્મિથને પણ ફેબ્રુઆરી માટે ICC પ્લેયર ઓફ ધ મન્થ માટે નોમિનેટ કરવામાં આવ્યા છે. તેણે ફેબ્રુઆરીમાં પણ અદભૂત પ્રદર્શન કર્યું હતું. તેણે ફેબ્રુઆરીમાં 5 ODI મેચ રમીને 236 રન બનાવ્યા હતા. જેમાં ત્રિકોણીય શ્રેણીમાં લાહોરની ધરતી પર પાકિસ્તાન વિરૂદ્ધ 106 રનની ઈનિંગ સામેલ છે.
ODI ક્રિકેટમાંથી નિવૃત્તિ લેનાર સ્ટીવ સ્મિથે પણ ફેબ્રુઆરીમાં શાનદાર પ્રદર્શન કર્યું હતું. તેણે શ્રીલંકા સામે રમાયેલી 2 ટેસ્ટ મેચની શ્રેણીમાં શાનદાર બેટિંગ કરી હતી અને બંને મેચમાં સદી ફટકારી હતી. પ્રથમ મેચમાં સ્મિથે 141 રન બનાવ્યા હતા જ્યારે બીજી મેચમાં તેણે 131 રન બનાવ્યા હતા.
સતત પાંચમી વખત જીત્યું ગુજરાત: હૈદરાબાદ 86 રનમાં સમેટાયું
