TMKOC: ‘તારક મેહતા કા ઉલ્ટા ચશ્મા’ શોમાં અબ્દુલનું પાત્ર ભજવનાર અભિનેતા શરદ સાંકલાએ જણાવ્યું કે આ હિટ શો મળે તે પહેલાં તેમની પાસે ૭ વર્ષ સુધી કોઈ કામ નહોતું. તેમણે બોલિવુડની મોટી ફિલ્મોમાં કામ કર્યું હતું, પરંતુ કામ માટે સંઘર્ષ કરવો પડ્યો હતો.સબ ટીવીનો સૌથી આઇકોનિક શો ‘તારક મેહતા કા ઉલ્ટા ચશ્મા’ દરેકને જોવો ગમે છે. આ શોમાં ઘણા એવા પાત્રો છે જે દરેકને હસાવતા રહે છે. શોમાં સોડા શોપ ચલાવતા અબ્દુલ એટલે કે અભિનેતા શરદ સાંકલાને પણ દરેક ઓળખે છે. પરંતુ ખૂબ જ ઓછા લોકોને તેમના સંઘર્ષ વિશે ખબર હશે.
‘તારક મેહતા’ના અબ્દુલનો કામ અંગેનો સંઘર્ષ
શરદ સાંકલા ‘તારક મેહતા’ શો પહેલાં બોલિવુડની અનેક ફિલ્મોમાં જોવા મળ્યા છે. તેમણે શાહરુખ ખાન સાથે ‘બાદશાહ’ ફિલ્મમાં પણ કામ કર્યું છે. ફિલ્મોમાં તેમને નાના રોલ મળતા હતા. પરંતુ શરદના જીવનમાં એવો સમય પણ આવ્યો જ્યારે ૭ વર્ષ સુધી તેમની પાસે કોઈ કામ નહોતું.તાજેતરમાં એક ઇન્ટરવ્યુમાં શરદે ‘તારક મેહતા’ શો પહેલાંના પોતાના સંઘર્ષને યાદ કર્યો છે. તેમણે કહ્યું, ‘બેરોજગારીએ કામ પ્રત્યેનો મારો નજરિયો બદલી નાખ્યો. મને કામની કિંમત સમજાઈ. હું ભગવાનને પ્રાર્થના કરું છું કે કોઈના જીવનમાં આવો સમય ન આવે. જીવનમાં દરેકને સારા-ખરાબ દિવસો જોવા પડે છે.
તેઓ વધુમાં કહે છે કે, તમામ નવા અભિનેતાઓને કહેવા માંગું છું કે, તમારા જીવનમાં આવા દિવસો જરૂર આવશે, કારણ કે આ દિવસો તમને કામની કિંમત શીખવે છે.’‘જ્યારે કામ નથી હોતું ત્યારે જ ખબર પડે કે દાળ-આટાનો ભાવ શું હોય છે. હું ક્યારેય કોઈને ફોટો માટે ના નથી પાડતો. મેં ઘણા અભિનેતાઓને જોયા છે જે પોતાના ચાહકો સાથે ફોટો પડાવવાનો ઇનકાર કરી દે છે. પરંતુ આવા અનુભવો તમને મોટી શીખ આપે છે અને કામની કિંમત સમજાવે છે.
’પરિવારે આપ્યો સાથ, આ રીતે મળ્યો ‘તારક મેહતા’ શો
શરદ સાંકલા આગળ કહે છે કે આ મુશ્કેલ સમયમાં તેમના પરિવારનો સાથ સૌથી મહત્વનો હતો. આ જ સમયે અસિત મોદીએ તેમને શોની ઓફર આપી. અભિનેતાએ કહ્યું, ‘મારો પરિવાર હંમેશા મારી સાથે ઊભો રહ્યો. માણસે ક્યારેય હાર નહીં માનવી જોઈએ. ઘરે બેકાર બેસીને 7 વર્ષ પસાર કર્યા પછી મને અસિત કુમાર મોદીનો ફોન આવ્યો.
’‘હવે હું તારક મેહતા કા ઉલ્ટા ચશ્મામાં ૧૮ વર્ષથી કામ કરું છું. દર્શકો મને ઘણો પ્યાર આપે છે. મેં ૭ વર્ષ સુધી કામની શોધમાં સંઘર્ષ કર્યો, પરંતુ ક્યારેય આશા નહોતી છોડી. ધીરજ રાખવી પડે છે, ભગવાન છેવટે જરૂર મદદ કરે છે.’
