કામરા નહીં ઝુકે, અમારો DNA એક જેવો છે : કોમેડિયનની વ્હારે આવ્યા સંજય રાઉત તો BJPએ કહી આવી વાત

મુંબઈના સ્ટેન્ડઅપ કોમેડિયન કુણાલ કામરાએ મહારાષ્ટ્રના નાયબ મુખ્યપ્રધાન એકનાથ શિંદે પર કટાક્ષ કર્યા બાદ હોબાળો થયો છે. શાસક પક્ષના નેતાઓ અને શિવસેનાના કાર્યકરોએ કામરા પાસેથી માફી માંગવાની માંગ કરી છે. જો કે, હાસ્ય કલાકારે સ્પષ્ટ કર્યું છે કે તે કોઈપણ સંજોગોમાં માફી માંગશે નહીં. આ દરમિયાન શિવસેના (ઉદ્ધવ બાળાસાહેબ ઠાકરે) સાંસદ સંજય રાઉતનું નિવેદન સામે આવ્યું છે. કામરાને યોદ્ધા ગણાવતા તેણે કહ્યું કે કુણાલ કામરા કોઈની સામે ઝૂકશે નહીં. મંગળવારે પત્રકારો સાથે વાત કરતા સાંસદે કહ્યું, 'હું કામરાને જાણું છું, તેનો ડીએનએ અને મારો એકસમાન છે. તે યોદ્ધા છે અને તે માફી માંગશે નહીં. જો તમારે તેમની સામે કાર્યવાહી કરવી હોય તો તમારે કાયદાકીય પગલાં ભરવા પડશે.

'બંનેના DNA સરખા છે'
મહારાષ્ટ્રના ગૃહ રાજ્ય મંત્રી યોગેશ કદમે શિવસેના (UBT) સાંસદ સંજય રાઉતના આ નિવેદન પર વળતો પ્રહાર કર્યો છે. તેમણે કહ્યું, 'કામરા અને રાઉત સમાન ડીએનએ હોઈ શકે છે, બંને સમાન છે. ભાજપે રાઉતને ટોણો મારતા કહ્યું કે, 'તેમના ડીએનએ સમાન હશે કારણ કે ગુનેગારોના ડીએનએ સમાન છે'.

ઉલ્લેખનીય છે કે,ગઈકાલે જ સ્ટેન્ડઅપ કોમેડિયન કુણાલ કામરાએ કહ્યું હતું કે તે શિંદે વિશેની વિવાદાસ્પદ ટિપ્પણીઓ માટે માફી માંગશે નહીં. તેમણે કહ્યું હતું કે રાજકારણીઓની મજાક ઉડાવવી એ ગુનો નથી. તેણે સોશિયલ મીડિયા પર એક પોસ્ટ શેર કરી હતી. જેમાં તેણે કહ્યું હતું કે, 'મને પાઠ ભણાવવાની ધમકી આપનારા નેતાઓએ ધ્યાનમાં રાખવું જોઈએ કે આપણા અભિવ્યક્તિ સ્વાતંત્ર્યના અધિકારનો ઉપયોગ માત્ર શક્તિશાળી અને અમીર લોકોની ખુશામત કરવા માટે ન થવો જોઈએ. તમારી અસમર્થતા મારા સત્તાના સ્વભાવને બદલી શકતી નથી. જ્યાં સુધી હું જાણું છું, આપણા નેતાઓ અને આપણી રાજકીય વ્યવસ્થાના સર્કસની મજાક ઉડાવવી એ કાયદાની વિરુદ્ધ નથી.