Salman Khan birthday: બોલીવુડના સુપરસ્ટાર સલમાન ખાને 27 ડિસેમ્બર, 2025ના રોજ પોતાનો 60મો જન્મદિવસ ખૂબ જ ભવ્ય અને પારિવારિક અંદાજમાં ઉજવ્યો. તેમણે પોતાના પનવેલ ફાર્મહાઉસ ખાતે ખાનગી પાર્ટીનું આયોજન કર્યું હતું, જેમાં પરિવારના સભ્યો અને નજીકના મિત્રો સાથે બોલીવુડની અનેક મોટી હસ્તીઓએ હાજરી આપી હતી.સલમાને મધરાતે ફાર્મહાઉસની બહાર ભેગા થયેલા પાપારાઝી સાથે કેક કાપીને ઉજવણીની શરૂઆત કરી. તેમણે પાપ્સને કેકના ટુકડા વહેંચ્યા અને ફોટા પણ પોઝ આપ્યા. આ દરમિયાન સલમાન ક્લીન-શેવન લુકમાં જોવા મળ્યા, જે તેમના ચાહકોને ખૂબ પસંદ આવ્યો.
પાર્ટીમાં જોવા મળ્યા આ સ્ટાર્સ
ઉજવણીમાં ક્રિકેટના દિગ્ગજ મહેન્દ્ર સિંહ ધોની પત્ની સાક્ષી અને પુત્રી ઝીવા સાથે પહોંચ્યા હતા, જેના ફોટા સોશિયલ મીડિયા પર વાયરલ થયા. આ ઉપરાંત આદિત્ય રોય કપૂર, રકુલ પ્રીત સિંહ, હુમા કુરેશી, તબ્બુ, રણદીપ હુડા (પત્ની લિન લૈશ્રામ સાથે), સંજય દત્ત, જેનેલિયા ડિસુઝા, સંગીતા બિજલાની, મહેશ મંજરેકર અને અન્ય અનેક હસ્તીઓએ હાજરી આપી.પરિવાર તરફથી પિતા સલીમ ખાન, માતા સલમા ખાન, ભાઈ અરબાઝ ખાન (પત્ની શૂરા સાથે), બહેન અર્પિતા ખાન (પતિ આયુષ શર્મા સાથે), ભત્રીજા અરહાન અને નિર્વાણ ખાન પણ પાર્ટીમાં જોવા મળ્યા.
સોશિયલ મીડિયા પર શુભેચ્છાઓનો પ્રવાહ
પાર્ટીમાં ન આવી શકનારા અનેક સ્ટાર્સે સોશિયલ મીડિયા પર સલમાનને અનોખી શુભેચ્છાઓ પાઠવી. ચાહકોએ પણ તેમની આઇકોનિક ફિલ્મોને યાદ કરતા પોસ્ટ્સ શેર કરી.આ જન્મદિવસ વિશેષ છે કારણ કે સલમાનની આગામી ફિલ્મ 'બેટલ ઓફ ગલવાન' વિશે મોટા અપડેટની અપેક્ષા છે. ચાહકો આતુરતાથી રાહ જોઈ રહ્યા છે કે ભાઈજાન તેમને કોઈ સરપ્રાઇઝ આપે.
