સિકંદરના અડધાથી વધારે બજેટ જેટલી માત્ર સલમાનની ફી : પણ રશ્મિકાને બસ આટલા જ રૂપિયા!!

સલમાન ખાન ચાહકોને ઈમ્પ્રેસ કરવા ફરી તૈયાર છે. તેઓ સિકંદર નામની ફિલ્મ લાવી રહ્યા છે. સલમાન ખાને અત્યાર સુધી બોક્સ ઓફિસ પર ધમાલ મચાવી છે. આ ફિલ્મ ઈદ પર રિલીઝ થશે. આ ફિલ્મમાં રશ્મિકા મંદાના, કાજલ અગ્રવાલ અને શરમન જોશી પણ છે. આ ફિલ્મનું ટ્રેલર પણ રિલીઝ કરવામાં આવ્યું હતું. સલમાન ખાનના ચાહકો આ ફિલ્મની આતુરતાથી રાહ જોઈ રહ્યા છે.પરંતુ શું તમને ખબર છે સલમાન ખાને ફી કેટલી ચાર્જ કરી છે.

સલમાન ખાનની ફી કેટલી?
અહેવાલો અનુસાર, સલમાન ખાને આ ફિલ્મ માટે મોટી ફી લીધી છે. તેમણે ફિલ્મના અડધાથી વધુ બજેટ જેટલી ફી લીધી છે. ફિલ્મનું બજેટ 200 કરોડ રૂપિયા છે અને એવા અહેવાલો છે કે સલમાન ખાનને 120 કરોડ રૂપિયા લેવામાં આવ્યા છે. ફિલ્મના નફામાં પણ તેમનો હિસ્સો છે.

રશ્મિકા મંદાનાને મળી ખુબ ઓછી ફી

આ ફિલ્મમાં રશ્મિકા મંદાના મુખ્ય ભૂમિકામાં છે. રશ્મિકા મંદાનાએ એનિમલ, પુષ્પા, પુષ્પા 2 અને છાવા જેવી બ્લોકબસ્ટર ફિલ્મો આપી છે. જો કે, એવા અહેવાલો છે કે તેમને સિકંદર માટે ખૂબ ઓછી ફી મળી છે. અહેવાલો અનુસાર, રશ્મિકાને સલમાન ખાન કરતા 24 ગણી ઓછી ફી મળી છે. મળતી માહિતી અનુસાર તેમને 5 કરોડ ફી મળી છે જ્યારે કાજલ અગ્રવાલને 3 કરોડ રૂપિયા આપવામાં આવ્યા છે. આ ફિલ્મમાં શરમન જોશી પણ છે. તેના માટે તેણે 75 લાખ રૂપિયા ચૂકવ્યા છે. પ્રતિક બબ્બરને 60 લાખ રૂપિયા આપવામાં આવ્યા હતા. બાહુબલીમાં કટ્ટપ્પાના પાત્ર માટે જાણીતા સત્યરાજને આ ફિલ્મ માટે 50 લાખ રૂપિયા આપવામાં આવ્યા છે.

આ ફિલ્મ 30 માર્ચે રિલીઝ થશે.