SA U19 vs IND U19: વૈભવ સૂર્યવંશીની કેપ્ટનશીપ હેઠળ, ભારતીય અંડર-19 ટીમે સાઉથ આફ્રિકા અંડર-19 ટીમ સામે પ્રથમ યુવા ODI માં મેદાનમાં ઉતર્યું. મેદાનમાં ઉતરતાની સાથે જ વૈભવ સૂર્યવંશીએ યુવા ODI કેપ્ટન તરીકે ઇતિહાસ રચ્યો. વૈભવ યુવા ODI ના ઇતિહાસમાં સૌથી નાની ઉંમરનો કેપ્ટન બન્યો. વૈભવ સૂર્યવંશીએ 14 વર્ષ અને 282 દિવસની ઉંમરે પહેલી વાર અંડર-19 ટીમનું નેતૃત્વ કર્યું. આમ કરીને, વૈભવ સૂર્યવંશીએ પાકિસ્તાનના અહેમદ શહેઝાદનો વર્લ્ડ રેકોર્ડ તોડ્યો. અહેમદ શહેઝાદે 15 વર્ષ અને 141 દિવસની ઉંમરે યુવા ODI માં કેપ્ટનશીપ કરી હતી. આ ઉપરાંત, વૈભવ સૂર્યવંશી 16 વર્ષનો થયા પહેલા કોઈપણ ફોર્મેટમાં આંતરરાષ્ટ્રીય U19 મેચમાં ટીમની કેપ્ટનશીપ કરનાર વિશ્વનો પ્રથમ ક્રિકેટર પણ બની ગયો છે. નોંધનીય છે કે, વૈભવ સૂર્યવંશી પહેલા યુથ ODI માં સૌથી નાની ઉંમરના ભારતીય કેપ્ટન અભિષેક શર્મા હતા, જેમણે 2016 માં 16 વર્ષ અને 105 દિવસની ઉંમરે સાઉથ આફ્રિકા સામે ભારતની કેપ્ટનશીપ કરી હતી.
યૂથ વનડેમાં સૌથી યુવા કેપ્ટન
Vaibhav Sooryavanshi - 14 વર્ષ 282 દિવસ
Ahmed Shehzad - 15 વર્ષ 141 દિવસ
Mehidy Hasan Miraz - 15 વર્ષ 284 દિવસ
Farhan Zakhil - 15 વર્ષ 302 દિવસ
Ambitious Muduma - 15 વર્ષ 351 દિવસ
મેચમાં થયો ફેલ
SA U19 vs IND U19 મેચમાં, સાઉથ આફ્રિકાએ ટોસ જીતીને પ્રથમ બોલિંગ કરવાનો નિર્ણય લીધો. વૈભવ સૂર્યવંશી બેટિંગમાં કોઈ ખાસ કરી શક્યો નહીં અને ફક્ત 11 રન બનાવીને આઉટ થયો. તેને 12 બોલમાં 11 રન બનાવ્યા, જેમાં 2 ચોગ્ગાનો સમાવેશ થાય છે.
