Russia Ukraine war : જ્યારે નવું વર્ષ દરેક માટે કંઈક નવું લાવે છે, ત્યારે આ વર્ષમાં સમગ્ર વિશ્વમાં શાંતિ પણ લાવી શકે છે. વર્ષોથી ચાલી રહેલા રશિયા-યુક્રેન યુદ્ધ અને ઇઝરાયલ-હમાસ યુદ્ધનો અંત લાવી શકાય છે. યુક્રેનિયન રાષ્ટ્રપતિ ઝેલેન્સકી અને ઇઝરાયલી રાષ્ટ્રપતિ નેતન્યાહૂ આ રવિવારે યુનાઇટેડ સ્ટેટ્સની યાત્રા કરી રહ્યા છે અને રાષ્ટ્રપતિ ટ્રમ્પ સાથે મુલાકાત કરશે.
ઝેલેન્સકીએ શું કહ્યું?
યુક્રેનિયન રાષ્ટ્રપતિ ઝેલેન્સકીએ કહ્યું કે યુક્રેન અને યુનાઇટેડ સ્ટેટ્સ ટૂંક સમયમાં ઉચ્ચ-સ્તરીય બેઠક યોજવા માટે સંમત થયા છે, અને નવા વર્ષ પહેલાં મહત્વપૂર્ણ નિર્ણયો લેવામાં આવી શકે છે.
બે મોટા યુદ્ધોનો અંત આવશે?
સીએનએનના અહેવાલ મુજબ, યુક્રેનિયન રાષ્ટ્રપતિ ઝેલેન્સકીએ શુક્રવારે કહ્યું કે તેઓ રશિયા અને યુક્રેન વચ્ચે ચાલી રહેલા યુદ્ધને સમાપ્ત કરવાના હેતુથી શાંતિ યોજનાને આગળ વધારવાના પ્રયાસોના ભાગ રૂપે રવિવારે ફ્લોરિડામાં યુએસ રાષ્ટ્રપતિ ડોનાલ્ડ ટ્રમ્પ સાથે મુલાકાત કરવાની યોજના ધરાવે છે. પત્રકારો સાથે વાત કરતા, ઝેલેન્સકીએ કહ્યું કે, આ બેઠક વાટાઘાટોને સોદા તરફ આગળ વધારવામાં મદદ કરી શકે છે, જોકે તેમણે ચેતવણી પણ આપી હતી કે અંતિમ કરાર તાત્કાલિક થવાની અપેક્ષા રાખવી જોઈએ નહીં.
