રોટલીના અનોખા રહસ્યો : ઘી લગાવ્યા પછી કેટલી કેલરી વધે છે?, રોટલીને પચાવવા કેટલું ચાલવું પડે?

જ્યારે ખાવાની વાત આવે તો રોટલીને કેવી રીતે ભૂલાઈ જાય. દરેક લોકો દિવસમાં એક વખત તો રોટલી ખાતા જ હશે. રોટલી વગર આપણી થાળી અધૂરી લાગે છે. ભારતમાં ભાગ્યે જ કોઈ એવું હશે જેના ઘરમાં ઘઉંની રોટલી ન બનતી હોય. રોટલી આપણા શરીર માટે ઉર્જાનો મુખ્ય સ્ત્રોત છે અને તે ખાવા અને તૈયાર કરવામાં પણ સરળ છે. ગામડાના લોકોનું પેટ રોટલી વગર ભરાતું નથી.
શરીર માટે કેટલી જરૂરી છે રોટલી?
બધા જાણે છે કે રોટલી ખાવાથી આપણા શરીરને ઉર્જા મળે છે, પરંતુ પ્રશ્ન એ છે કે પુખ્ત વ્યક્તિએ કેટલી રોટલી ખાવી જોઈએ જેથી તેના શરીરમાં ચરબી જમા ન થાય. આ માટે એક રોટલીમાં કેટલી કેલરી છે તે જાણવું આપણા માટે ખૂબ જ મહત્વપૂર્ણ બની જાય છે. અને જો આ રોટલી પર ઘી લગાવવામાં આવે તો કેટલી કેલરી હોય.
એક રોટલીમાં કટલી કેલરી હોય?
એક સ્વસ્થ વ્યક્તિને દિવસભર ઉર્જા માટે 2000 કેલરીની જરૂર પડે છે. જો આપણે રોટલી ખાવાની રીત જોઈએ તો સામાન્ય રીતે એક વ્યક્તિ એક સમયે ચાર રોટલી ખાય છે. જો આ રોટલીઓમાં કેલરીની ગણતરી કરવામાં આવે તો 100 ગ્રામ ઘઉંના લોટમાં 380 કેલરી હોય છે. ચાલો ધારીએ કે જો રોટલી 25 ગ્રામ લોટમાંથી બનાવવામાં આવે તો તેમાં 95 કેલરી હશે. આ રીતે જો કોઈ વ્યક્તિ એક સમયે ચાર રોટલી ખાય છે તો તે 380 કેલરી વાપરે છે.
રોટલી પર ઘી લગાવ્યા પછી કેટલી કેલરી વધે?
ભારતના મોટાભાગના ઘરોમાં ઘી સાથે રોટલી ખાવાની પરંપરા છે. તે આપણા શરીરમાં ઉર્જા તો વધારે છે જ સાથે સાથે આપણને સ્વસ્થ અને મજબૂત પણ રાખે છે. ધારો કે આપણે 25 ગ્રામ લોટથી બનેલી રોટલી પર 3 ગ્રામ ઘી લગાવીએ છીએ. તો તે 36 કેલરી વધારે છે. એટલે કે ઘી લગાવ્યા પછી એક રોટલીમાં 131 કેલરી હોય છે.
એક રોટલી પચાવવા કેટલું ચાલવું પડે?
ડોક્ટરોના મતે રોટલી પચવામાં આપણને 1.5 થી 2 કલાક લાગે છે. જોકે તે વ્યક્તિની પાચન શક્તિ પર આધાર રાખે છે. જો તમે સ્વસ્થ શરીર માટે નિર્ધારિત 2000 કેલરી કરતાં વધુ એક રોટલી ખાધી હોય. તો તમારે તેને પચાવવા માટે સખત મહેનત કરવી પડશે. આ માટે તમારે અડધો કલાક સુધી સતત ઝડપી ગતિએ ચાલવું પડશે.