Ricky Ponting On Rohit Sharma Retirement: ટીમ ઈન્ડિયાએ હાલમાં જ રોહિત શર્માની કેપ્ટન્સીમાં બીજો આઈસીસી ખિતાબ જીત્યો છે. ચેમ્પિયન્સ ટ્રોફી 2025 પહેલા રોહિતને લઈને ઘણી અટકળો લગાવવામાં આવી રહી હતી કે આ ટૂર્નામેન્ટ પછી ભારતીય કેપ્ટન ODI ફોર્મેટમાંથી નિવૃત્તિ લેશે, પરંતુ રોહિતે પોતાના નિવેદનથી આ તમામ અટકળો પર પૂર્ણવિરામ મૂકી દીધું છે. રોહિત ભવિષ્યમાં પણ વનડે ફોર્મેટમાં રમતા જોવા મળશે. હવે રોહિતના નિવેદન બાદ ઓસ્ટ્રેલિયાના પૂર્વ કેપ્ટન રિકી પોન્ટિંગની પ્રતિક્રિયા સામે આવી છે.
Ricky Ponting said "I don't know why, when you can still play as well as Rohit played in the final, I think he was just trying to put those questions to bed once and for all and say, ‘no, I'm still playing well enough. I love playing in this team. I love leading this team'".… pic.twitter.com/GP0Peg5SWk
— Johns. (@CricCrazyJohns) March 12, 2025
રોહિતના સંન્યાસ ન લેવાના નિવેદન પર પોન્ટિંગની પ્રતિક્રિયા
અહેવાલ મુજબ રિકી પોન્ટિંગે આઈસીસી સાથે વાત કરતા કહ્યું કે મને લાગે છે કે તેણે જે કહ્યું તેનો અર્થ એ છે કે તેના મનમાં આગામી વનડે વર્લ્ડ કપ રમવાનું લક્ષ્ય હોવું જોઈએ. મને લાગે છે કે કદાચ હકીકત એ છે કે તે છેલ્લી ODI વર્લ્ડ કપની ફાઇનલમાં હારી ગયો હતો અને તે કેપ્ટન હતો, કદાચ તેના મગજમાં તે જ ચાલી રહ્યું હતું."
પોન્ટિંગે વધુમાં જણાવ્યું હતું કે, “જ્યારે તમે તમારી કારકિર્દીમાં તે તબક્કે પહોંચવાનું શરૂ કરો છો, ત્યારે દરેક વ્યક્તિ તમારી નિવૃત્તિની રાહ જોતો હોય છે. મને ખબર નથી કે શા માટે, જ્યારે તમે હજી પણ ફાઇનલમાં તેની જેમ રમી શકો છો, ત્યારે મને લાગે છે કે ફક્ત તે પ્રશ્નોને એકવાર હંમેશા માટે ખતમ કરવાનો પ્રયાસ કરી રહ્યો હતો અને કહે છે, 'ના, હું હજી પણ ખૂબ સારું રમી રહ્યો છું. મને આ ટીમમાં રમવાનું ગમે છે. મને આ ટીમનું નેતૃત્વ કરવાનું પસંદ છે.”
Ricky Ponting looks at what the future holds for India captain Rohit Sharma following recent success at the #T20WorldCup and #ChampionsTrophy 🤔https://t.co/k0KKFiiDpR
— ICC (@ICC) March 12, 2025
ચેમ્પિયન્સ ટ્રોફી જીત્યા બાદ રોહિતનું નિવેદન
રોહિત શર્માએ કહ્યું હતું કે તે હજુ આટલું આગળ વિચારી રહ્યો નથી અને તે 2027નો વનડે વર્લ્ડ કપ રમશે કે નહીં તે કહેવું તેના માટે યોગ્ય નથી. રોહિતે કહ્યું હતું કે તે અત્યારે ક્યાંય નથી જઈ રહ્યો અને ન તો તે ODI ક્રિકેટમાંથી સંન્યાસ લઈ રહ્યો છે.
