IPL 2025ના અંતિમ લીગ સ્ટેજ મેચ બાદ BCCIએ લખનૌ સુપર જાયન્ટસના કેપ્ટન ઋષભ પંત પર ₹30 લાખનો દંડ ફટકાર્યો છે. આ દંડના પાછળનું કારણ અને મેચમાં પ્રદર્શન વિષે વિગતવાર જાણકારી જાણો.
પંતની શાનદાર ઈનિંગ છતાં ટીમની હાર
મંગળવારે લખનૌ સુપર જાયન્ટસ અને રોયલ ચેલેન્જર્સ બેંગલોર (RCB) વચ્ચે IPL 2025ની લીગ સ્ટેજની મેચ રમાઈ હતી. લખનૌ તરફથી કેપ્ટન ઋષભ પંતે શાનદાર 118 રનની 'classic' ઈનિંગ રમી હતી. આ ઈનિંગના સેલિબ્રેશનમાં તેણે ‘ફ્લિપ’ પણ માર્યો. આ ઈનિંગ તેમના માટે ખૂબ મહત્વપૂર્ણ રહી હતી કારણ કે સમગ્ર સિઝનમાં તેઓ ફક્ત 151 રન જ બનાવી શક્યા હતા.
BCCIનો કડક નિર્ણય
મેચના એક દિવસ બાદ BCCIએ ઘોષણા કરી કે પંત પર ₹30 લાખનો દંડ ફટકારવામાં આવ્યો છે. લખનૌ સુપર જાયન્ટસ IPL આચારસંહિતાના મુજબ આ સીઝનમાં ત્રીજી વાર સ્લો ઓવર રેટની ચોખવટમાં આવી છે. જેના કારણે કેપ્ટન પંત સાથે ટીમના અન્ય ખેલાડીઓની મેચ ફીમાંથી પણ દંડ કપાઈ રહ્યો છે.
તમામ ખેલાડીઓ પર પણ લાગ્યો દંડ
પંત સિવાય, દિગ્વેશ રાઠી સહિત પ્લેઈંગ ઈલેવનના તમામ ખેલાડીઓને પણ 12 લાખ રૂપિયાનો દંડ અથવા તેમની મેચ ફીના 50 ટકા જેટલો દંડ ફટકારવામાં આવ્યો છે. IPLના નિયમો મુજબ, સતત ત્રણ વખત સ્લો ઓવર રેટ રાખવાથી આ પ્રકારની કાર્યવાહી થાય છે.
પંતનું 'unlucky' સિઝન
મેચમાં 118 રનની ઈનિંગ રમી હોવા છતાં પંત માટે IPL 2025નું સિઝન વ્યક્તિગત રીતે નિરાશાજનક રહ્યું છે. તેમણે કુલ 14 મેચમાં 24.45ની એવરેજથી 269 રન જ બનાવ્યા છે. લખનૌએ તેમને મેગા ઓક્શનમાં ₹27 કરોડમાં ખરીદ્યા હતા, પરંતુ તેમની અપેક્ષાઓ મુજબ પંત ટીમની કમાન બરોબર રીતે સંભાળી ન શક્યા.
જીતેશ શર્મા – મેચનો સુપરહીરો
આરસીબી માટે જીતેશ શર્માએ 33 બોલમાં 85 રનની તોફાની ઈનિંગ રમી અને 'પ્લેયર ઑફ ધ મેચ' જાહેર થયા. આ ઈનિંગમાં તેમણે 6 સિક્સ અને 8 ફોર ફટકાર્યા. ફિલ સાલ્ટે 30 રન અને વિરાટ કોહલીએ 54 રન બનાવ્યા હતા, જ્યારે મયંક અગ્રવાલે પણ 23 બોલમાં 41 રનની ઝડપી ઈનિંગ ફટકારી હતી. આ જીત સાથે આરસીબીએ પોઈન્ટ ટેબલમાં બીજા સ્થાને પહોંચી અને ક્વોલીફાયર-1 માં જગ્યા પણ બનાવી લીધી.
પંતની સદી હોવા છતાં, ટીમની હાર અને ત્યારબાદ મળેલો દંડ તેમને માટે ફટકારરૂપ સાબિત થયો છે. આ સાથે લખનૌ સુપર જાયન્ટસ IPL 2025માંથી બહાર થઈ ગઈ છે અને RCBનો પથ વધુ મજબૂત બની ગયો છે.
