ઈશ્નીર ગ્રોવર આવી રહ્યાં છે ધમાકેદાર શો લઈને : દોગલાપન લાઈન હજુ છુટી નથી

એન્ટરપ્રેન્યોર અને શાર્ક ટેન્ક ઈન્ડિયાના ભૂતપૂર્વ જજ અશ્નીર ગ્રોવર ફરીવાર એક શો લઈને આવી રહ્યાં છે. હકીકતમાં અશ્નીર અનસ્ક્રીપ્ટેડ સીરિઝ 'રાઇઝ એન્ડ ફોલ' હોસ્ટ કરતા જોવા મળશે. ગુરુવારે, MX Playerએ અશ્નીર ગ્રોવરના આ શોનું ટીઝર પણ રિલીઝ કર્યું. આ જોયા બાદ ચાહકોમાં 'રાઈઝ એન્ડ ફોલ'ને લઈને એક્સાઈટ્મેન્ટ વધી ગઈ છે.

'રાઇઝ એન્ડ ફોલ'નું ટીઝર
ટીઝરમાં અશ્નીર સીરિઝનો કોન્સેપ્ટ સમજાવતો જોવા મળે છે. તે બે ભાગમાં વહેંચાયેલી ઇમારતનું વર્ણન કરતા જોવા મળે છે અને જણાવે છે કે આ દુનિયા બે ભાગમાં વહેંચાયેલી છે. ટોચના ભાગમાં એવા અમીર લોકો છે જેમના સૂર પર આખું વિશ્વ નાચે છે અને બીજી બાજુ એવા ગરીબ લોકો છે જેઓ નાચવા માટે મજબૂર છે. શાર્ક ટેન્ક ઇન્ડિયાના તેના પ્રખ્યાત વન-લાઇનર વિશે બોલતા, અશ્નીર કહે છે, "પરંતુ કિસ્મત કા દોગલાપન મારાથી સારી રીતે કોણ જાણે છે'

આ પછી, અશ્નીર જણાવે છે કે હું પાવરનો અલ્ટિમેટ રિયાલિટી શો લાવી રહ્યો છું, 42 દિવસ અને 16 જાણીતા લોકો અને એક રમતને બે ભાગમાં વહેંચવામાં આવી છે જેમાં એક ભાગ શક્તિશાળી છે અને બીજો નબળો છે.

રાઈઝ એન્ડ ફોલનો શું છે કોન્સેપ્ટ?
"રાઇઝ એન્ડ ફોલ એ એક આંતરરાષ્ટ્રીય શો ફોર્મેટ છે, જે એમેઝોન એમએક્સ પ્લેયર દ્વારા પ્રથમ વખત ભારતમાં લાવવામાં આવ્યું છે. સમાજના તમામ વર્ગોનું પ્રતિનિધિત્વ કરતા લોકો આઇકોનિક ગગનચુંબી બિલ્ડિંગમાં ભેગા થાય છે. તેઓ બે વિભાગોમાં વહેંચાયેલા છે, રૂલર અને વર્કર, જેમની પાસે એવા નિર્ણયો લેવાની સત્તા છે જે કામદારોના જીવનને અસર કરે છે. સંજોગોમાં, તેઓ પૈસા કમાવવા અને ટોચ પર રહેલા લોકોની તરફેણ મેળવવાનો પ્રયાસ કરે છે અને ઈનામ શૂન્યથી શરૂ થાય છે અને તે ત્યારે જ વધી શકે છે જ્યારે શાસકોની દેખરેખ હેઠળ કામદારો દ્વારા સફળતાપૂર્વક પૂર્ણ કરવામાં આવે.
જોકે હજુ સુધી રાઇઝ એન્ડ ફોલની સ્ટ્રીમિંગ તારીખની જાહેરાત કરી નથી.