સોનમ કપૂર અને આનંદ આહુજાના ઘરે ફરી એકવાર ખુશીઓનું આગમન થયું છે. અભિનેત્રી સોનમ કપૂરે ૨૯ માર્ચ ૨૦૨૬ ના રોજ બીજા દીકરાને જન્મ આપ્યો છે. આ ખુશખબર સોશિયલ મીડિયા દ્વારા ચાહકો સાથે શેર કરવામાં આવી હતી.
આ પણ વાંચો: The Kapoor And Anand Ahuja Family Welcome Their Second Son | સોનમ કપૂરના ઘરે બીજા પુત્રનો જન્મ | Offbeat Stories
રિયા કપૂરે શેર કરી દીકરાની પહેલી ઝલક: સોનમ કપૂરની બહેન રિયા કપૂરે તાજેતરમાં ઇન્સ્ટાગ્રામ પર એક ખૂબ જ ક્યુટ ફોટો શેર કર્યો છે. આ ફોટામાં રિયાએ તેના નવા જન્મેલા ભાણેજને હાથમાં પકડ્યો છે. જો કે હજુ સુધી બાળકનો ચહેરો સ્પષ્ટ રીતે બતાવવામાં આવ્યો નથી, પરંતુ તેની આ ઝલક સોશિયલ મીડિયા પર જોરદાર વાયરલ થઈ રહી છે. રિયા કપૂરે આ પોસ્ટ સાથે અનિલ કપૂર, સુનિતા કપૂર અને આખા પરિવાર તરફથી એક હૃદયસ્પર્શી મેસેજ પણ શેર કર્યો છે. બોલિવૂડ કલાકારો જેવા કે કૃતિ સેનન અને નીના ગુપ્તા સહિત અનેક સેલેબ્સ આ પોસ્ટ પર કોમેન્ટ કરીને કપલને અભિનંદન આપી રહ્યા છે.
