Rohit Sharma: ટીમ ઈન્ડિયા સિડનીમાં ત્રણ જાન્યુઆરીથી ઓસ્ટ્રેલિયા સામે બોર્ડર-ગાવસ્કર સિરીઝની પાંચમી મેચ રમશે. એવી અટકળો લગાવામાં આવી રહી છે કે, ભારતીય કેપ્ટન રોહિત શર્માનો આ છેલ્લો ટેસ્ટ મેચ હોય શકે છે.
ભારતીય ટીમના કેપ્ટન રોહિત શર્મા માટે છેલ્લા કેટલાક મહિનાઓ ખૂબ જ મુશ્કેલ રહ્યા છે. તેની કપ્તાનીમાં ટીમે આ વર્ષે ટી20 વર્લ્ડ કપ ચોક્કસપણે જીત્યો હતો, પરંતુ તે પછી તેના માટે કંઈ સારું રહ્યું નથી. બાંગ્લાદેશ અને ન્યુઝીલેન્ડ સામેની ઘરઆંગણે ટેસ્ટ સિરીઝમાં બેટથી ખરાબ રીતે નિષ્ફળ રહેલો રોહિત વર્તમાન બોર્ડર-ગાવસ્કર સિરીઝમાં પણ કંઈ ખાસ કરી શક્યો નથી. માત્ર બેટિંગ જ નહીં પરંતુ કેપ્ટનશિપના મામલે પણ રોહિત ઓસ્ટ્રેલિયાની ટીમ સામે સરેરાશ રહ્યો છે. આ જ કારણ છે કે તેના પર સંન્યાસ લેવાનું ઘણું દબાણ છે.
બ્રિસ્બેનમાં વરસાદે ચોક્કસપણે ભારતને બચાવ્યું, પરંતુ મેલબોર્નમાં ટીમની અણધારી હારથી રોહિતનું ટેન્શન વધી ગયું છે. ટાઈમ્સ ઓફ ઈન્ડિયાના એક અહેવાલ મુજબ રોહિતે BCCIના ટોચના અધિકારીઓ અને પસંદગીકારો સાથે નિવૃત્તિ અંગે ચર્ચા કરી છે અને નિવૃત્તિ અંગે પોતાનું મન બનાવી લીધું છે. એવો અંદાજ છે કે સિડનીમાં ઓસ્ટ્રેલિયા સામેની પાંચમી ટેસ્ટ બાદ રોહિત ટેસ્ટ ક્રિકેટને અલવિદા કહી શકે છે.
રોહિતનું પ્લેઈંગ ઈલેવનમાં સ્થાન પણ નક્કી નથી
રિપોર્ટમાં જણાવવામાં આવ્યું છે કે, પસંદગીકારોને પહેલાથી જ ખબર છે કે રોહિત અંગે શું થવાનું છે. જો કે, આ સમયે મોટો પ્રશ્ન નિવૃત્તિનો નથી, પરંતુ રોહિત પ્લેઈંગ ઈલેવનમાં સામેલ થવાને લાયક છે કે કેમ તે છે. તેના આંકડાઓ પર નજર કરીએ તો તેના માટે પ્લેઈંગ ઈલેવનમાં સ્થાન મેળવવું મુશ્કેલ છે. સમાચાર છે કે સિડનીમાં ટીમ તેના સ્થાને શુભમન ગિલને પ્લેઈંગ ઈલેવનમાં સામેલ કરી શકે છે.
Thoughts? 👀#AUSvsIND | #TestCricket | #RohitSharma pic.twitter.com/IZC5PhMiN7
— Cricket.com (@weRcricket) December 29, 2024
શુભમન ગિલે આ વર્ષે ઈંગ્લેન્ડ સામેની હોમ ટેસ્ટ સિરીઝમાં સારા રન બનાવ્યા હતા, પરંતુ તેમ છતાં આ વર્ષે તેની ટેસ્ટ એવરેજ 25ની આસપાસ રહી છે. તેણે આ વર્ષે 14 ટેસ્ટ મેચ રમ્યા છે, જેમાં માત્ર બે સદી અને બે અર્ધસદી ફટકારી છે. આ સમયગાળા દરમિયાન તેના બેટમાંથી 26 ઇનિંગ્સમાં 24.76ની એવરેજથી કુલ 619 રન બનાવ્યા હતા.
બોર્ડર-ગાવસ્કર સિરીઝમાં ના ચાલ્યું રોહિતનું બેટ
બોર્ડર-ગાવસ્કર ટ્રોફીમાં રોહિતે અત્યાર સુધી જેટલા રન બનાવ્યા છે તેનાથી તો વધારે ફાસ્ટ બોલર જસપ્રિત બુમરાહે લીધેલ વિકેટ (30) કરતા માત્ર એક રન વધુ છે. રોહિતે સિરીઝની ત્રણ ટેસ્ટની પાંચ ઇનિંગ્સમાં માંડ 31 રન બનાવ્યા છે. આ દરમિયાન તેની એવરેજ 6.20 રહી છે.
