Delhi: દિલ્હીમાં 27 વર્ષ પછી ભાજપનું શાસન પાછું આવ્યું છે. રેખા ગુપ્તાએ મુખ્યમંત્રી તરીકે શપથ લીધા છે. 50 વર્ષીય રેખા ગુપ્તા દિલ્હીના નવમા મુખ્યમંત્રી છે. સુષ્મા સ્વરાજ, શીલા દીક્ષિત અને આતિશી પછી રેખા દિલ્હીના ચોથા મહિલા મુખ્યમંત્રી છે. બુધવારે તેમને ભાજપ વિધાનસભા પક્ષના નેતા તરીકે ચૂંટવામાં આવ્યા. રેખા ગુપ્તા સાથે છ ધારાસભ્યોએ પણ મંત્રી તરીકે શપથ લીધા. મંત્રી તરીકે શપથ લેનારા ધારાસભ્યોના નામમાં પ્રવેશ વર્મા, આશિષ સૂદ, મનજિંદર સિંહ સિરસા, રવિન્દર ઈન્દ્રજ, કપિલ મિશ્રા અને પંકજ સિંહનો સમાવેશ થાય છે.
રેખાએ દિલ્હીની શાલીમાર બાગ બેઠક પરથી ચૂંટણી જીતી છે. તેમણે આ બેઠક પર આમ આદમી પાર્ટીના વંદના કુમારીને 29,595 મતોથી હરાવ્યા હતા. રેખા દિલ્હીના ચોથા મહિલા મુખ્યમંત્રી બનશે. તે સંઘ સાથે સંકળાયેલી છે. રેખા દિલ્હી ભાજપના મહાસચિવ અને ભાજપ મહિલા મોરચાના રાષ્ટ્રીય ઉપાધ્યક્ષ પણ છે.
#WATCH | BJP's first-time MLA Rekha Gupta takes oath as the Chief Minister of Delhi. Lt Governor VK Saxena administers her oath of office.
— ANI (@ANI) February 20, 2025
With this, Delhi gets its fourth woman CM, after BJP's Sushma Swaraj, Congress' Sheila Dikshit, and AAP's Atishi. pic.twitter.com/bU69pyvD7Y
દિલ્હીના નામાંકિત મુખ્યમંત્રી રેખા ગુપ્તાએ કહ્યું કે આ એક મોટી જવાબદારી છે. મારા પર વિશ્વાસ મૂકવા બદલ હું પીએમ મોદી અને ભાજપ હાઇકમાન્ડનો આભાર માનું છું. હું મારી જવાબદારી પૂરી ઈમાનદારીથી નિભાવીશ. મારી પહેલી પ્રાથમિકતા અમારી પાર્ટી દ્વારા આપવામાં આવેલા તમામ વચનો પૂરા કરવાની છે અને બીજી પ્રાથમિકતા એ છે કે અમારા બધા 48 ધારાસભ્યો સમયમર્યાદા સાથે કામ કરે. મેં ક્યારેય વિચાર્યું ન હતું કે હું દિલ્હીનો મુખ્યમંત્રી બનીશ. અગાઉની ભ્રષ્ટ સરકારે લોકોના એક-એક રૂપિયાનો હિસાબ આપવો પડશે.
