Rashmika Mandanna અને Vijay Deverakonda નું 'રણબાલી' ના સેટ પર ભવ્ય સ્વાગત
સાઉથ સિનેમાનું લોકપ્રિય જોડી Rashmika Mandanna અને Vijay Deverakonda લગ્ન બાદ પ્રથમ વખત પોતાની આગામી ફિલ્મ 'રણબાલી' (Ranabaali) ના સેટ પર પરત ફર્યા છે. ફિલ્મના સેટ પર આ નવપરિણીત યુગલનું ટીમ દ્વારા અત્યંત ઉત્સાહપૂર્વક અને ઉષ્માભર્યું સ્વાગત કરવામાં આવ્યું હતું.
ટીમ સાથે કેક કાપીને ઉજવણી કરી
સોશિયલ મીડિયા પર વાયરલ થઈ રહેલી તસવીરો અને વીડિયોમાં જોઈ શકાય છે કે, ફિલ્મ 'રણબાલી' ના ક્રૂ મેમ્બર્સ દ્વારા આ જોડી માટે ખાસ સરપ્રાઈઝ પ્લાન કરવામાં આવી હતી. Rashmika Mandanna અને Vijay Deverakonda એ સેટ પર આખી ટીમની હાજરીમાં કેક કાપીને પોતાના લગ્નની ખુશી વ્યક્ત કરી હતી. સેટને ફૂલો અને ડેકોરેશનથી શણગારવામાં આવ્યો હતો, જે જોઈને આ સ્ટાર કપલ પણ ખૂબ જ ખુશ જણાતું હતું.
લાંબા સમય બાદ શૂટિંગ શરૂ
લગ્ન અને બ્રેક બાદ હવે બંને કલાકારો ફરીથી પોતાના કામ પર ધ્યાન આપી રહ્યા છે. 'રણબાલી' એક મોટા બજેટની ફિલ્મ માનવામાં આવી રહી છે, જેમાં આ જોડી ફરી એકવાર મોટા પડદા પર સાથે જોવા મળશે. સેટ પરના આ ફોટોસ જોઈને તેમના ફેન્સ પણ સોશિયલ મીડિયા પર તેમને અભિનંદન પાઠવી રહ્યા છે.
