Dhurandhar: આદિત્ય ધર દિગ્દર્શિત જાસૂસી એક્શન થ્રિલર ‘Dhurandhar’ એ બોક્સ ઓફિસ પર આવતાંની સાથે જ તબાહી મચાવી દીધી છે. રણવીર સિંહની આ વિસ્ફોટક ફિલ્મે માત્ર પ્રથમ બે દિવસમાં જ ભારતમાં અંદાજે ₹57-59 કરોડની ધમાકેદાર કમાણી કરી નાખી છે અને 100 કરોડ ક્લબના દરવાજે ઊભી છે.
શુક્રવાર (પહેલો દિવસ): અંદાજે ₹27-28 કરોડ
શનિવાર (બીજો દિવસ): ₹31 કરોડ (પ્રારંભિક અંદાજ)
કુલ (2 દિવસ): ₹58 કરોડ (નેટ ઇન્ડિયા)
પહેલા વીકેન્ડમાં જ ₹95-100 કરોડની નજીક પહોંચી જશે
શનિવારે ફિલ્મે શુક્રવારની સરખામણીએ લગભગ 15-20%નો જબરદસ્ત જમ્પ લીધો છે. દિવસભરની ઓક્યુપન્સી પણ શાનદાર રહી – સવારના શોથી લઈને નાઈટ શો સુધી દર્શકોની ભારે ભીડ જોવા મળી. હિન્દી વર્ઝનની એવરેજ ઓક્યુપન્સી 39.63% રહી, જેમાં રાત્રિના શોમાં 63.16% સુધી પહોંચી ગઈ. સકારાત્મક રિવ્યૂઝ, મજબૂત વર્ડ-ઓફ-માઉથ અને રવિવારના વીકેન્ડનો ફાયદો જોતા ટ્રેડ એનાલિસ્ટ્સનું માનવું છે કે ‘Dhurandhar’ રવિવારે ₹35-40 કરોડની વચ્ચે કમાણી કરીને પહેલા વીકેન્ડમાં જ ₹95-100 કરોડની નજીક પહોંચી જશે અને સોમવારે સવારે જ 100 કરોડ ક્લબમાં ધડાકાભેર એન્ટ્રી મારશે! આ સાથે જ રણવીર સિંહની કરિયરની ટોપ-10 હાઈએસ્ટ ગ્રોસર લિસ્ટમાં પણ મોટો ઉથલપાથલ થવાની શક્યતા છે.
સૌથી ઝડપી100 કરોડ ક્લબ એન્ટ્રીનો રેકોર્ડ
હાલ 10મા સ્થાને રહેલી તેમની ફિલ્મ ‘બેફિક્રે’ (₹60.23 કરોડ લાઈફટાઈમ) ને ‘ધુરંધર’ પહેલા જ વીકમાં પછાડી દેશે તે લગભગ નક્કી છે. બોક્સ ઓફિસ પર ધૂમ મચાવનારી આ ફિલ્મ હવે રણવીર સિંહની સૌથી મોટી ઓપનર અને સૌથી ઝડપી100 કરોડ ક્લબ એન્ટ્રીનો રેકોર્ડ પોતાના નામે કરવા તૈયાર છે! ધુરંધર જબરદસ્ત છે… અને હજી તો શરૂઆત છે!
