'Pyxis Pioneer' ship reaches India carrying thousands of tons of LPG amid Iran-Israel war: મિડલ ઈસ્ટમાં ચાલી રહેલા Iran–Israel conflict વચ્ચે ઊભી થયેલી ઈંધણ અને ગેસની અછત વચ્ચે ભારત માટે રાહતના સમાચાર સામે આવ્યા છે. રવિવારે (22 માર્ચ, 2026) ‘પાયક્સિસ પાયોનિયર’ (Pyxis Pioneer) નામનું LPG ટેન્કર ભારતમાં પહોંચી ગયું છે, જે દેશની ગેસ સપ્લાય ચેઇન માટે મહત્વપૂર્ણ માનવામાં આવે છે.
માહિતી મુજબ, આ જહાજ New Mangalore Port પર પહોંચ્યું છે અને તેમાં અંદાજે 16,714 ટન LPG છે. આ ટેન્કર 14 ફેબ્રુઆરીએ નેધરલેન્ડના પોર્ટથી નીકળ્યું હતું અને સિંગાપોરના ધ્વજ હેઠળ ભારત આવ્યું છે. આ ગેસ Aegis Logistics Limited માટે ઉતારવામાં આવશે. જહાજ સોમવારે સવારે પાછું રવાના થવાનું છે.
આગામી દિવસોમાં વધુ ગેસ આવશેઃ
‘ધ હિંદૂ’ના અહેવાલ મુજબ, આવતા દિવસોમાં ન્યૂ મંગલુરુ પોર્ટ પર કુલ અંદાજે 72,700 ટન LPG પહોંચવાની શક્યતા છે. 25 માર્ચે ‘અપોલો ઓશન’ (Apollo Ocean) નામનું ટેન્કર લગભગ 26,687 ટન LPG લઈને પહોંચશે. આ ગેસ Indian Oil Corporation Limited અને Bharat Petroleum Corporation Limited માટે હશે. અગાઉ ‘શિવાલિક’ નામનું ટેન્કર 18 માર્ચે આવવાનું હતું, પરંતુ તેણે પોતાનો માલ ગુજરાતના Vadinar Port પર જ ‘અપોલો ઓશન’ને ટ્રાન્સફર કરી દીધો હતો, જેથી સપ્લાય ચેઇન વધુ સુગમ બની રહી છે.
અમેરિકાથી પણ આવશે મોટી ખેપઃ
આ ઉપરાંત 29 માર્ચે અમેરિકા તરફથી આશરે 30,000 ટન LPG લઈને એક અન્ય ટેન્કર પહોંચવાની શક્યતા છે. આ ગેસ Hindustan Petroleum Corporation Limited માટે હશે. મંગલુરુમાં HPCLનું પ્લાન્ટ આ ગેસને બોટલિંગ યુનિટ્સ અને પાઇપલાઇન મારફતે બેંગ્લોર સહિતના વિસ્તારોમાં પહોંચાડશે.
દેશ માટે રાહતના સંકેત:
મિડલ ઈસ્ટના સંઘર્ષને કારણે LPG સપ્લાયમાં ખલેલ પડતા ભારત સહિત ઘણા એશિયાઈ દેશોમાં અછતનો ભય ઉભો થયો હતો. પરંતુ હવે વિવિધ દેશોમાંથી આવી રહેલી ગેસની ખેપને કારણે પરિસ્થિતિ સુધરવાની આશા છે. આવતા દિવસોમાં મોટા પ્રમાણમાં LPG આવવાથી ઘરેલુ વપરાશકારોને મોટી રાહત મળશે અને સપ્લાયમાં સ્થિરતા આવશે. જે વર્તમાન પરિસ્થિતિમાં અત્યંત મહત્વપૂર્ણ છે.
