બોલીવુડમાં અમુક જ ફિલ્મો છે કે જે 2000 ની હેરા ફેરી જેટલી કલ્ટ ક્લાસિક બની છે. પ્રિયદર્શન દ્વારા ડાયરેક્ટેડ આ ફિલ્મમાં અક્ષય કુમાર, સુનીલ શેટ્ટી અને પરેશ રાવલે કામ કર્યું હતું. આ ફિલ્મ ત્રણ મુશ્કેલીમાં મુકાયેલા વ્યક્તિઓની રમુજી વાર્તા છે જેમને આકસ્મિક રીતે ખંડણીનો કોલ મળી જાય છે. છેલ્લા વીસ વર્ષથી, મીમ્સ, આઇકોનિક સંવાદો અને વારંવાર ટીવી શોએ આ ફિલ્મને લોકપ્રિય બનાવી રાખી છે. હવે, હેરા ફેરી ૩ વિશે ફરી એકવાર ચર્ચાએ ઇન્ટરનેટ પર ધૂમ મચાવી છે.
શું પ્રિયદર્શન ડાયરેક્ટ કરશે?
એક ઇંટરવ્યૂમાં, ડાયરેક્ટર પ્રિયદર્શને આ પ્રિય ફ્રેન્ચાઇઝીની સિક્વલ બનાવવાની શક્યતા પર પોતાનું મૌન તોડ્યું. જોકે, તેમણે સ્પષ્ટતા કરી કે જો કહાની પહેલી ફિલ્મ જેટલી જ મજબૂત અને આકર્ષક હશે તો જ તેઓ આગળ વધશે.
તેમણે કહ્યું કે અસલી ચૂનોતી પાત્રોને ફરીથી શોધવાનો નથી, પરંતુ એવી કહાની શોધવાની છે જે વાસ્તવિક લાગે અને એટલી જ મનોરંજક હોય. તેઓ કહે છે, "જ્યાં સુધી મને આખી ફિલ્મ માટે યોગ્ય કહાની ન મળે ત્યાં સુધી હું ત્રીજો ભાગ બનાવવાનો પ્રયાસ કરીશ નહીં. જો સ્ક્રિપ્ટ મારી કલ્પના મુજબ સારી નહીં હોય, તો હું તે કરીશ નહીં. હું મારા કરિયરના એક એવા તબક્કે પહોંચી ગયો છું જ્યાં હું મોટી ભૂલ કરીને તેમાંથી પાછળ હટવા માંગતો નથી."
હેરાફેરીની રાહ જોઈ રહેલા ચાહકો
હેરા ફેરી ફ્રેન્ચાઇઝનો ઇતિહાસ રસપ્રદ છે. મલયાલમ ફિલ્મ રામજી રાવ સ્પીકિંગ (1989) થી પ્રેરિત પહેલી ફિલ્મ ખૂબ જ સફળ રહી હતી અને ભારતની સૌથી વધુ કમાણી કરનારી કોમેડી ફિલ્મોમાંની એક બની હતી. તેની સિક્વલ, ફિર હેરા ફેરી (2006), જેને ડાયરેક્ટ નીરજ વોરાએ કરી હતી. તેમાં રાજુ ( અક્ષય કુમાર), શ્યામ (સુનીલ શેટ્ટી) અને બાબુરાવ ગણપતરાવ આપ્ટે (પરેશ રાવલ) અભિનય કર્યો હતો.
હવે જ્યારે હેરાફેરી 3 વિશે અટકળો ચાલી રહી છે, અને ત્રણેય પહેલાથી જ તેમના પ્રતિષ્ઠિત પાત્રોને ફરીથી રજૂ કરવાની ઇચ્છા વ્યક્ત કરી ચૂક્યા છે, ત્યારે બધાની નજર પ્રિયદર્શન પર છે. પ્રિયદર્શનના શબ્દો સાંભળીને, ફેન્સ આશા રાખી રહ્યા છે કે લાંબા સમયથી અટકાયેલો ત્રીજો ભાગ આખરે સાકાર થશે, જેમાં જૂની યાદોના આનંદ અને નવી કહાનીની તાજગીનો સમાવેશ થશે.
હવે ફેન્સ રાહ જોઈ રહ્યા છે કે ચર્ચાઓમાં ઘેરાયેલી હેરાફેરી 3 ક્યારે બનશે અને તેને જોવાનો મોકો ક્યારે મળશે.
