Mahavatar Narsimha OTT Release: બ્લોકબસ્ટર એનિમેટેડ ફિલ્મ Mahavatar Narsimha હવે 19 સપ્ટેમ્બરથી નેટફ્લિક્સ પર સ્ટ્રીમ થશે. બોક્સ ઓફિસ પર ₹325 કરોડની કમાણી કરનારી છે. તો ચાલો જાણીએ કે આ ફિલ્મ ક્યારે અને ક્યાં જોવા મળશે...
થિયેટરોમાં જબરદસ્ત સફળતા મેળવ્યા પછી, Mahavatar Narsimha એ હવે OTT પર એન્ટ્રી લઈ લીધી છે. જો તમે થિયેટરોમાં ફિલ્મ જોવાનું ચૂકી ગયા હોય, તો હવે તમે તમારા ઘરે આરામથી આ બ્લોકબસ્ટર એનિમેટેડ ફિલ્મનો આનંદ માણી શકો છો. ચાલો સ્ટ્રીમિંગ વિગતો સમજાવીએ.
ક્યારે અને ક્યાં જોવી 'Mahavatar Narsimha' ?
ફેન્સ લાંબા સમયથી ફિલ્મના ડિજિટલ પ્રીમિયરની રાહ જોઈ રહ્યા હતા. હવે, રાહનો અંત આવી ગયો છે. ફિલ્મના ડિજિટલ ડેબ્યૂની જાહેરાત કરતા, નેટફ્લિક્સે કેપ્શનમાં લખ્યું, "ભક્તિ શક્તિમાં પરિવર્તિત થશે. આવી રહ્યા છે મહાવતાર નરસિમ્હા."
OTT પ્લેટફોર્મ: નેટફ્લિક્સ
રિલીઝ ડેટ: 19 સપ્ટેમ્બર
સ્ટ્રીમિંગ ટાઈમ: બપોરે 12:30 વાગ્યાથી
બોક્સ ઓફિસ પરફોર્મન્સ
અશ્વિન કુમારના નિર્દેશનમાં બનેલી આ એનિમેટેડ ફિલ્મ 25 જુલાઈના રોજ થિએટરોમાં રિલીઝ થઈ હતી.
બજેટ: લો-કોસ્ટ પ્રોડક્શન
વર્લ્ડવાઈડ કલેક્શન: ₹325.65 કરોડ
ઈન્ડિયા નેટ બોક્સ ઓફિસ: ₹250.2 કરોડ
SaccNilk ના રિપોર્ટ અનુસાર, ઓછી અપેક્ષાઓ હોવા છતાં, ફિલ્મે વર્ડ-ઓફ-માઉથ પબ્લિસિટીને કારણે બ્લોકબસ્ટરનો દરજ્જો મેળવ્યો. આ વર્ષે મોહિત સૂરીની 60 કરોડની ફિલ્મ "Saiyaara" ને પણ આવી જ સફળતા મળી, જેણે ભારતમાં બોક્સ ઓફિસ પર 300 કરોડ રૂપિયાથી વધુ અને વિશ્વભરમાં 550 કરોડ રૂપિયાથી વધુની કમાણી કરી.
કહાની અને ખાસિયત
આ ફિલ્મ ભગવાન વિષ્ણુના મહાન ભક્ત પ્રહલાદ અને રાક્ષસ રાજા હિરણ્યકશિપુની કહાની પર આધારિત છે. પ્રહલાદની ભક્તિ જોઈને ભગવાન વિષ્ણુએ નરસિંહનું રૂપ ધારણ કર્યું અને અધર્મનો અંત લાવ્યો.
ફિલ્મના વિઝ્યુઅલ્સ અને બેકગ્રાઉન્ડ મ્યુઝિક દર્શકોને શરૂઆતથી અંત સુધી પકડી રાખે છે. આ એનિમેટેડ ફિલ્મ ક્લિમ પ્રોડક્શન્સ અને હોમ્બેલે ફિલ્મ્સના બેનર હેઠળ બનાવવામાં આવી છે.
