નોર્મલ અને સીઝેરિયન ડિલિવરીનો કેટલો ખર્ચ : જાણો હોસ્પિટલના પેકેજનો અંદાજિત ખર્ચ

માતા-પિતા બનવું દરેક વ્યક્તિનું સપનું હોય છે. દર વર્ષે મોટી સંખ્યામાં નવા યુગલો માતાપિતા બની રહ્યા છે. એમા પણ મહિલાઓની ડિલિવરીની વાત કરીએ તો તે બે પ્રકારના હોય છે-સિઝેરિયન અને નોર્મલ. વર્લ્ડ હેલ્થ ઓર્ગેનાઇઝેશન (WHO) મુજબ ભારતમાં તમામ ડિલિવરીના 30%થી વધુ સિઝેરિયન હોય છે. જે શહેરી વિસ્તારોમાં આ વધુ જોવા મળે છે.

જો કોઈ કોમપ્લિકેશન હોય સી-સેક્શન દ્વારા ડિલિવરી કરવામાં આવે છે. જોકે, તે સામાન્ય ડિલિવરી કરતાં વધુ ખર્ચાળ છે. હાલના સમયમાં માતા બનવું ખૂબ જ મોંઘુ થઈ ગયું છે. ગર્ભાવસ્થા અને બાળજન્મનો ખર્ચ વધી રહ્યો છે. આવી સ્થિતિમાં, જો તમે પણ માતા-પિતા બનવાનું વિચારી રહ્યા છો, તો જાણો કે સામાન્ય અને સિઝેરિયન ડિલિવરીના ખર્ચમાં કેટલી તફાવત છે, હોસ્પિટલનું સંપૂર્ણ પેકેજ કેટલું છે.

ડિલિવરી ખર્ચમાં વધારો

જેમ જેમ આરોગ્ય સંભાળ સુવિધાઓ અને જાગૃતિ વધી રહી છે તેમ તેમ માતા બનવું પણ વધુ ખર્ચાળ બની રહ્યું છે. નેશનલ ફેમિલી હેલ્થ સર્વે મુજબ, દેશમાં લગભગ 92% ડિલિવરી હાલમાં હોસ્પિટલોમાં થઈ રહી છે. તેમાંથી લગભગ 40% ડિલિવરી ખાનગી હોસ્પિટલોમાં થઈ રહી છે. ખાનગી હોસ્પિટલોમાં થતી લગભગ અડધી ડિલિવરી સિઝેરિયન હોય છે.

ડિલિવરી ખર્ચ પર આધાર રાખે છે

સામાન્ય અથવા સિઝેરિયન ડિલિવરી
કઈ કેટેગરીનું શહેર છે? ટિયર I, ટિયર II અથવા ટિયર III

પ્રસૂતિ નર્સિંગ હોમ અથવા મલ્ટિસ્પેશિયાલિટી હોસ્પિટલ, ક્યાં દાખલ છે?

સરકારી હોસ્પિટલોમાં ડિલિવરીનો ખર્ચ

ગાયનેક ડોક્ટરના જણાવ્યા અનુસાર, ગર્ભાવસ્થાની શરૂઆતથી જ સરકારી હોસ્પિટલોમાં ઘણી સુવિધાઓ મફત છે. એટલું જ નહીં, પ્રધાનમંત્રી માતૃત્વ વંદના યોજના (PMMVY) હેઠળ સરકારી હોસ્પિટલોમાં ગર્ભવતી મહિલાઓને પૈસા અને અન્ય મદદ પણ આપવામાં આવે છે.

ખાનગી હોસ્પિટલમાં ડિલિવરીનું પેકેજ (દર્દી અનુસાર)

1. શરૂઆતમાં દર અઠવાડિયે અને બાદમાં દર મહિને ફી 1000-1500 રૂપિયા સુધી

2. પ્રેગનેન્સીના 9 મહિના સુધી દવાઓ, ઈન્જેક્શન, રસીઓ, સપ્લિમેન્ટ્સનો કુલ ખર્ચ-લગભગ 30,000 રૂપિયા

3. અલ્ટ્રાસાઉન્ડ (ચાર વખત અને કલર ડોપ્લર ટેસ્ટ)-10,000 રૂપિયા સુધી

4. 9 મહિના સુધી વિશેષ પોષણ-30,000 રૂપિયા

5. સિઝેરિયન ડિલિવરી-સર્જરીનો ખર્ચ-50-55 હજાર, દવા-10 હજાર રૂપિયા, બેડ ચાર્જ પ્રતિ દિવસ-2000-3000 રૂપિયા સુધી

કુલ ખર્ચ-1.5 લાખથી 2 લાખ રૂપિયા સુધી આવી શકે છે.