સેલેબ્રિટી કપલની લાઇફસ્ટાઇલમાં મોટો ફેરફાર? : પરિણીતિ લક્ઝરી કારમાં તો રાઘવ એકદમ સાદગીમાં

ભારતના ચર્ચિત કપલ્સમાંનું એક નામ છે Raghav Chadha અને Parineeti Chopra. એક તરફ રાજકારણમાં સક્રિય અને સાદગીભર્યું જીવન જીવતા રાઘવ ચડ્ઢા, તો બીજી તરફ બોલિવૂડની ગ્લેમરસ દુનિયામાં સક્રિય પરિણીતિ ચોપરા. બંનેની લાઇફસ્ટાઇલમાં જમીન-આસમાનો તફાવત છે ખાસ કરીને કાર કલેક્શન મામલે.

પરિણીતિ ચોપરાનું લગ્ઝરી કાર કલેક્શન

બોલિવૂડ અભિનેત્રી પરિણીતિ ચોપરાના કાર ગેરેજમાં એકથી એક પ્રીમિયમ અને લક્ઝરી કારો સામેલ છે. તેમની પાસે Jaguar XJL, Audi Q5 અને Range Rover Vogue જેવી હાઈ-એન્ડ કાર્સ છે. ખાસ કરીને Jaguar XJL તેમની સૌથી પસંદગીની અને મોંઘી કાર માનવામાં આવે છે, જેમાં તેઓ અનેક વખત જાહેર સ્થળોએ જોવા મળ્યા છે. આ તમામ કાર્સ માત્ર સ્ટેટસ સિમ્બોલ જ નથી, પરંતુ તેમાં આધુનિક ટેક્નોલોજી, આરામદાયક ઈન્ટિરિયર અને સેફ્ટી ફીચર્સનો ઉત્તમ મિશ્રણ મળે છે. પરિણીતિની લાઇફસ્ટાઇલને જોતા આ કાર્સ તેમની ઈમેજ સાથે સંપૂર્ણ રીતે મેચ થાય છે.

રાઘવ ચડ્ઢાની સાદગીભરી પસંદગી

જ્યાં પરિણીતિ ચોપરાનું કાર કલેક્શન ગ્લેમરસ છે, ત્યાં Raghav Chadhaનો કાર કલેક્શન ખૂબ જ સરળ છે. મીડિયા રિપોર્ટ્સ મુજબ, તેમની પાસે માત્ર એક જ કાર છે Maruti Suzuki Dzire.

આ કાર ભારતની સૌથી લોકપ્રિય સેડાનમાંની એક છે, જે તેની કિફાયતી કિંમત, ઉત્તમ માઈલેજ અને ઓછા મેન્ટેનન્સ માટે જાણીતી છે. રાઘવ ચડ્ઢાની આ પસંદગી તેમની સરળતા અને પ્રેક્ટિકલ અભિગમને દર્શાવે છે.

Maruti Dzireના ફીચર્સ અને પરફોર્મન્સ

Maruti Suzuki Dzire ભારતીય બજારમાં ખૂબ જ લોકપ્રિય કાર છે. તેની એક્સ-શોરૂમ કિંમત લગભગ ₹6.25 લાખથી શરૂ થાય છે અને ટોપ વેરિઅન્ટ ₹9.31 લાખ સુધી જાય છે. ઓન-રોડ કિંમત ₹7.26 લાખથી ₹10.64 લાખ વચ્ચે રહે છે. આ કારમાં 1.2-લિટર 3-સિલિન્ડર પેટ્રોલ એન્જિન મળે છે, જે 81.58bhp પાવર અને 111.7Nm ટોર્ક જનરેટ કરે છે. માઈલેજ બાબતે પણ Dzire ખૂબ આગળ છે મેન્યુઅલ વર્ઝન લગભગ 24.79 kmpl અને ઓટોમેટિક 25.71 kmpl સુધી માઈલેજ આપે છે. CNG વર્ઝન તો 30 km/kgથી વધુ માઈલેજ આપે છે. ફીચર્સની વાત કરીએ તો તેમાં 9-ઇંચ ટચસ્ક્રીન ઇન્ફોટેનમેન્ટ સિસ્ટમ, વાયરલેસ ફોન ચાર્જર, ક્રૂઝ કન્ટ્રોલ અને સનરૂફ જેવી સુવિધાઓ મળે છે, જે તેને વધુ આકર્ષક બનાવે છે.

કોને આપે છે ટક્કર?

Maruti Dzire તેના સેગમેન્ટમાં Honda Amaze અને Tata Tigor જેવી કાર્સને ટક્કર આપે છે. 5-સ્ટાર સેફ્ટી રેટિંગ અને આધુનિક ફીચર્સને કારણે તે ભારતીય ગ્રાહકો માટે વિશ્વસનીય વિકલ્પ બની રહી છે.

લાઇફસ્ટાઇલનો તફાવત શું બતાવે છે?

આ કપલના કાર કલેક્શન પરથી સ્પષ્ટ થાય છે કે વ્યક્તિગત પસંદગી અને પ્રોફેશનલ બેકગ્રાઉન્ડ લાઇફસ્ટાઇલને કેટલી અસર કરે છે. એક તરફ બોલિવૂડની ચમક-ધમક અને લક્ઝરી, તો બીજી તરફ રાજકારણની સાદગી અને પ્રેક્ટિકલ અભિગમ.