ચીનની મદદથી પાકિસ્તાન કરશે મોટુ કામ : 2028માં ચંદ્ર પર પહોંચશે પાકિસ્તાન?

પાકિસ્તાનની સ્પેસ એજન્સી સુપારકોએ જાહેરાત કરી છે કે 2028માં પાકિસ્તાનનું પહેલું મૂન રોવર મિશન લોન્ચ કરવામાં આવશે. આ ઐતિહાસિક પગલું પાકિસ્તાન અને ચીન વચ્ચે અંતરિક્ષ સહયોગ અંતર્ગત લેવામાં આવ્યું છે. આ મિશન હેઠળ, પાકિસ્તાનનું મૂન રોવર ચીનના ચાંગ 8 મિશનનો ભાગ બનશે, જે ચંદ્રના દક્ષિણ ધ્રુવના રોબોટિક સંશોધન પર ધ્યાન કેન્દ્રિત કરશે.

પાકિસ્તાનના મૂન રોવર મિશનને ચીનના ચાંગ 8 મિશનના ભાગરૂપે લોન્ચ કરવામાં આવશે. બંને દેશોએ આ પ્રોજેક્ટ માટે સમજૂતી કરાર એટલે MOU કર્યા છે, જે અવકાશ સંશોધનમાં તેમના વધતા સહકારને પ્રતિબિંબિત કરે છે. ચાંગ 8 મિશનનો ઉદ્દેશ ચંદ્રના દક્ષિણ ધ્રુવનું વિગતવાર સંશોધન કરવાનો છે અને પાકિસ્તાનનું રોવર આ મિશનનો અભિન્ન ભાગ હશે.

મૂન રોવર નામકરણ પ્રતિયોગિતા

આ મિશન પ્રત્યે જનતાની ભાગીદારીને પ્રોત્સાહન આપવા માટે, સુપારકોએ રાષ્ટ્રવ્યાપી સ્પર્ધાની જાહેરાત કરી છે. આ સ્પર્ધા પાકિસ્તાનના મૂન રોવરનું નામ આપવાની તક આપે છે અને વિજેતાને 100,000 રૂપિયાનું ઇનામ મળશે.

ચંદ્રના દક્ષિણ ધ્રુવ પર તૈનાતી

સુપારકો દ્વારા વિકસિત મૂન રોવરને ચંદ્રના દક્ષિણ ધ્રુવ પર તૈનાત કરવામાં આવશે. રોવર પાકિસ્તાની વૈજ્ઞાનિકો દ્વારા ડિઝાઇન કરવામાં આવેલા અદ્યતન વૈજ્ઞાનિક પેલોડ સાથે ચીની અને યુરોપિયન વૈજ્ઞાનિકો દ્વારા વિકસિત સહયોગી ઉપકરણોને લઈ જશે. આ મિશનનો હેતુ ચંદ્રના આ ભાગ વિશે વિગતવાર માહિતી એકત્રિત કરવાનો છે.

અવકાશ સંશોધનમાં પાકિસ્તાન-ચીનની ભાગીદારી

અગાઉ, મે 2022માં, પાકિસ્તાને ચાંગ-6 મિશન હેઠળ તેનો પ્રથમ ચંદ્ર ઉપગ્રહ લોન્ચ કર્યો હતો, જે ચંદ્રના દક્ષિણ ધ્રુવ-એઇટકેન બેસિન પર સફળતાપૂર્વક ઉતર્યો હતો. આ મિશને ચંદ્રમાંથી પૃથ્વી પર નમૂનાઓ પરત કર્યા હતા, જેનાથી ચીન ચંદ્રની દૂરની બાજુથી નમૂનાઓ પરત લાવનાર પ્રથમ દેશ બન્યો હતો.

પાકિસ્તાનનું પ્રથમ મૂન રોવર મિશન

2028માં શરૂ થનારું પાકિસ્તાનનું પ્રથમ મૂન રોવર મિશન એક ઐતિહાસિક પગલું છે, જે અવકાશ સંશોધનમાં દેશની પ્રગતિને પ્રતિબિંબિત કરે છે. ચીન સાથે ભાગીદારી કરીને અને ચાંગ 'ઈ 8 મિશનનો ભાગ બનીને, આ મિશન બંને દેશો માટે વૈજ્ઞાનિક અને તકનીકી પ્રગતિમાં મહત્વપૂર્ણ સાબિત થશે.