વિશ્વ અત્યારે રશિયા-યુક્રેન અને ઈઝરાયેલ-ઈરાન યુદ્ધના કારણે પરમાણુ ખતરાના પડછાયા હેઠળ જીવી રહ્યું છે, ત્યારે અમેરિકાનું આ પરીક્ષણ ખૂબ જ સૂચક માનવામાં આવે છે. સંરક્ષણ નિષ્ણાતોના મતે, આ પરીક્ષણ દ્વારા અમેરિકાએ તેના દુશ્મન દેશોને સ્પષ્ટ સંદેશ આપ્યો છે કે તે કોઈપણ મોટા હુમલાનો જવાબ આપવા માટે સજ્જ છે. આ મિસાઈલની તાકાત એટલી છે કે તે પલકવારમાં આખેઆખા દેશોને નકશા પરથી સાફ કરી શકે છે. જોકે, અમેરિકાએ તેને નિયમિત પ્રક્રિયા ગણાવી છે, પરંતુ સમયને જોતા વિશ્વના અન્ય દેશોમાં સુરક્ષા અંગે ચિંતા વધી છે.
શું છે મિનિટમેન-III (Minuteman-III) મિસાઈલ?
અમેરિકા દ્વારા પરીક્ષણ કરવામાં આવેલી મિસાઈલનું નામ LGM-30G Minuteman III છે. આ એક ઇન્ટરકોન્ટિનેન્ટલ બેલિસ્ટિક મિસાઈલ (ICBM) છે. તેની સૌથી મોટી ખાસિયત એ છે કે તે એક ખંડમાંથી બીજા ખંડમાં હજારો કિલોમીટર દૂર બેઠા-બેઠા દુશ્મનના ચોક્કસ લક્ષ્યોને નિશાન બનાવી શકે છે. આ મિસાઈલ અમેરિકાની પરમાણુ શક્તિના ત્રિશૂળ (Nuclear Triad) નો સૌથી મહત્વનો ભાગ છે, જે જમીન પરથી લોન્ચ કરવામાં આવે છે.
હિરોશિમા કરતા પણ ભયાનક વિનાશની શક્તિ
આ મિસાઈલની વિનાશક ક્ષમતા વિશે જાણીને કોઈપણ ધ્રૂજી ઉઠે તેમ છે. અહેવાલો મુજબ, આ મિસાઈલ પર જે પરમાણુ વોરહેડ લગાવી શકાય છે તે બીજા વિશ્વયુદ્ધ દરમિયાન જાપાનના હિરોશિમા પર ફેંકવામાં આવેલા બોમ્બ કરતા પણ અનેક ગણા વધુ શક્તિશાળી છે. હિરોશિમામાં એક જ સેકન્ડમાં લાખો લોકોના મોત થયા હતા, જ્યારે આ મિસાઈલ તેનાથી પણ મોટી તબાહી લાવી શકે છે. જોકે, આ ટેસ્ટિંગ દરમિયાન કોઈ વાસ્તવિક પરમાણુ હથિયારનો ઉપયોગ કરવામાં આવ્યો ન હતો, માત્ર તેની સિસ્ટમ અને ટેકનિકલ ચોકસાઈની તપાસ કરવામાં આવી હતી.
અમેરિકાએ અત્યારે જ આ પરીક્ષણ કેમ કર્યું?
સૈન્ય નિષ્ણાતો આ પરીક્ષણને ઈરાન-ઈઝરાયેલ સંઘર્ષ સાથે જોડીને જોઈ રહ્યા છે. જોકે અમેરિકા સમયાંતરે આવા પરીક્ષણો કરતું રહે છે, પરંતુ અત્યારે મધ્ય પૂર્વમાં યુદ્ધની સ્થિતિ છે ત્યારે આ મિસાઈલ ટેસ્ટ દુશ્મનોને ડરાવવા માટેની 'ડિટરન્સ' (Deterrence) વ્યૂહરચનાનો ભાગ હોઈ શકે છે. આ ટેસ્ટનો મુખ્ય હેતુ:
મિસાઈલ સિસ્ટમની વિશ્વસનીયતા ચકાસવી.
અમેરિકાની સંરક્ષણ ક્ષમતાને આધુનિક રાખવી.
વૈશ્વિક સ્તરે પરમાણુ પ્રતિરોધક શક્તિ જાળવી રાખવી.
વિશ્વ પર શું અસર થશે?
આ મિસાઈલ પરીક્ષણ બાદ રશિયા, ચીન અને ઈરાન જેવા દેશો પણ પોતાની મિસાઈલ સિસ્ટમને વધુ સતર્ક કરી શકે છે. મધ્ય પૂર્વના દેશોમાં હવે પરમાણુ હથિયારોની હોડ વધવાની શક્યતા છે, જે વિશ્વશાંતિ માટે મોટો ખતરો સાબિત થઈ શકે છે.
