પ્રયાગરાજ તરફ જતી કોઈ પણ ટ્રેનને રદ કરવામાં નથી આવી. રેલવે બોર્ડના જનસંપર્ક અધિકારી દિલીપ કુમારે જણાવ્યું કે, મધ્યરાત્રિ પછી જ્યારે મહાકુંભમાં નાસભાગની ઘટના બની, ત્યારે થોડા સમય માટે એક કે બે ટ્રેનોને નિયંત્રિત કરવામાં આવી હતી. હવે તેમાં સુધારો કરવામાં આવ્યો છે, એટલે કે કેટલીક ટ્રેનોને હોલ્ડ પર રાખવામાં આવી છે.
કેટલીક ટ્રેનોને હંગામી ધોરણે હોલ્ડ પર રાખવામાં આવી હતી. ફેરફારની કોઈ યોજના નથી. આજે અમારી પાસે વધુ સંખ્યામાં ટ્રેનો દોડાવવાની યોજના છે, અમે તે મુજબ આયોજન કરી રહ્યા છીએ અને તમામ ટ્રેનોને પ્રયાગ વિસ્તારમાં લઈ જઈ રહ્યા છીએ જેથી મુસાફરોને કોઈપણ પ્રકારની સમસ્યાનો સામનો ન કરવો પડે, વધુને વધુ મુસાફરો તેમના ઘર તરફ જઈ શકે.
અમે આ મહાકુંભ માટે બનાવેલ સર્વગ્રાહી યોજના મુજબ કામ કરી રહ્યા છીએ. આજે મૌની અમાવસ્યાનો દિવસ છે. અમારું આયોજન એ હતું કે આજે મૌની અમાવસ્યા પર સ્નાન કર્યા પછી જ્યારે મહાકુંભના ભક્તો તેમના ઘરે જવા નીકળશે ત્યારે ત્યાંથી વધુ અનરિઝર્વ્ડ ક્લાસની ટ્રેનો જોઈએ જેથી વધુ લોકો મુસાફરી કરી શકે.
રેલવે બોર્ડના જનસંપર્ક અધિકારીએ જણાવ્યું કે, 144 વર્ષમાં પ્રથમ વખત મહાકુંભ થઈ રહ્યો છે. તેવામાં ધીરજની વધુ જરૂર છે. મહાકુંભમાં દરેક વ્યક્તિએ સંયમથી સ્નાન કરવું જોઈએ અને સંગમ એ પવિત્ર ક્ષેત્ર છે. જો કોઈ અફવાઓ ફેલાવવાનો પ્રયાસ કરે છે, તો તે અફવાઓ પર ધ્યાન ન આપો. તમારી વિવેકબુદ્ધિ, તમારી બુદ્ધિનો ઉપયોગ કરો અને તમારી શ્રદ્ધા અનુસાર, સંગમમાં ડૂબકી માર્યા પછી, કોઈપણ રીતે તમારા લક્ષ્યસ્થાન તરફ જાઓ.
ટ્રમ્પે મીડિયા પર લગાવ્યો દેશદ્રોહનો આરોપ!: કહ્યું- "તમે દુશ્મનને મદદ કરી રહ્યા છો" વૈશ્વિક રાજનીતિમાં ચકચાર!
