વિશ્વ ક્રિકેટની સૌથી પ્રતિષ્ઠિત ICC ટ્રોફીના નિર્ણાયક મુકાબલામાં સ્થાન નિશ્ચિત કર્યા બાદ ન્યૂઝીલેન્ડની ક્રિકેટ ટીમ આજે ગુજરાતના આંગણે આવી પહોંચી છે. સેમીફાઈનલના રસાકસીભર્યા જંગમાં સાઉથ આફ્રિકાની ટીમને પરાજય આપીને ફાઈનલની ટિકિટ મેળવનાર કીવી ખેલાડીઓ બપોરે 3 કલાકની આસપાસ અમદાવાદ એરપોર્ટ પર ઉતરાણ કર્યું હતું. એરપોર્ટ પર ઉતરીને ન્યૂઝીલેન્ડની ટીમ સીધી જ શહેરની લક્ઝરી હોટલ ITC નર્મદા ખાતે રવાના થઈ હતી. હોટલના પરિસરમાં મેનેજમેન્ટ અને ક્રિકેટ પ્રેમીઓ દ્વારા ટીમનું પરંપરાગત રીતે સન્માન કરવામાં આવ્યું હતું.
ન્યૂઝીલેન્ડ ટીમના સુકાની Kane Williamson સહિતના તમામ દિગ્ગજ પ્લેયર્સ અને સપોર્ટ સ્ટાફનું એરપોર્ટ તેમજ હોટલ ખાતે ઉષ્માભર્યું અભિવાદન કરાયું હતું. ફાઈનલના જંગ માટે ટીમના આગમન સાથે જ અમદાવાદ શહેરમાં ક્રિકેટનો રોમાંચ ચરમસીમાએ પહોંચ્યો છે. વિશ્વના સૌથી મોટા નરેન્દ્ર મોદી સ્ટેડિયમમાં રમાનારી આ મહત્વપૂર્ણ મેચ અગાઉ ન્યૂઝીલેન્ડની ટીમ આગામી દિવસોમાં ગ્રાઉન્ડ પર નેટ પ્રેક્ટિસ કરીને પોતાની રણનીતિને આખરી ઓપ આપશે.
નોંધનીય છે કે ન્યૂઝીલેન્ડે સેમીફાઈનલના મુકાબલામાં દક્ષિણ આફ્રિકા સામે શાનદાર રમતનું પ્રદર્શન કરીને જીત હાંસલ કરી હતી. આ વિજય બાદ ફાઈનલમાં તેમનો પ્રવેશ નક્કી થઈ ગયો હતો. હાલ અમદાવાદમાં આ મહામુકાબલા માટેની તૈયારીઓ પૂરજોશમાં ચાલી રહી છે અને ફેન્સમાં પણ ભારે ઉત્સાહ જોવા મળી રહ્યો છે.
ટીમના રોકાણને ધ્યાનમાં રાખીને હોટલ ITC નર્મદાની આસપાસ સુરક્ષાના કડક બંદોબસ્ત ગોઠવી દેવામાં આવ્યા છે. ફાઈનલ મેચ પૂર્વે ખેલાડીઓની દરેક ગતિવિધિઓ પર ચાંપતી નજર રાખવામાં આવી રહી છે. ક્રિકેટ જગતના ચાહકો હવે એ દિવસની આતુરતાથી રાહ જોઈ રહ્યા છે જ્યારે ન્યૂઝીલેન્ડની ટીમ ટ્રોફી જીતવાના મજબૂત ઈરાદા સાથે મેદાનમાં ઉતરશે. આગામી દિવસોમાં પ્રેક્ટિસ સેશન ઉપરાંત મીડિયા ઇન્ટરેક્શન પણ યોજાશે જેનાથી ફાઈનલનો માહોલ વધુ ગરમાશે તેવું લાગી રહ્યું છે.
GSEB 10th Result 2026: જાણો ક્યારે ભરાશે ફોર્મ?: ગુજરાત બોર્ડ ધોરણ 10માં નાપાસ થયેલા વિદ્યાર્થીઓને ફરી મળશે તક
