રિસર્ચ એન્ડ એનાલિસિસ વિંગ એટલે કે, RAWને દેશની સૌથી ગુપ્ત અને શક્તિશાળી ગુપ્તચર એજન્સી માનવામાં આવે છે. જેની જવાબદારી પરાગ જૈનને સોંપવામાં આવી છે. કેન્દ્ર સરકારે 1989 બેચના પંજાબ કેડરના IPS અધિકારી પરાગ જૈનને RAWના નવા વડા તરીકે નિયુક્ત કર્યા છે. તેઓ વર્તમાન વડા રવિ સિંહાનું સ્થાન લેશે. જેમનો કાર્યકાળ 30 જૂન 2025ના રોજ સમાપ્ત થઈ રહ્યો છે. પરાગ જૈનનો કાર્યકાળ 1 જુલાઈ 2025થી અમલમાં રહેશે અને તેઓ આગામી 2 વર્ષ માટે આ પદ પર સેવા આપશે. પરંતુ શું તમે જાણો છો કે RAWના વડા હોવા છતાં પરાગ જૈનને કેટલો પગાર મળશે?
પરાગ જૈનને કેટલો પગાર મળશે?
કેબિનેટ નિમણૂક સમિતિની મંજૂરી બાદ સરકારે પરાગ જૈનની નિમણૂકને અંતિમ સ્વરૂપ આપ્યું છે. તેઓ હાલમાં RAWમાં ખાસ સચિવ તરીકે કાર્યરત હતા અને હવે તેમને બઢતી આપવામાં આવી છે અને એજન્સીની સર્વોચ્ચ જવાબદારી સોંપવામાં આવી છે. RAWના વડા હોવાને કારણે તેમને કેન્દ્ર સરકાર તરફથી કેબિનેટ સચિવ ગ્રેડમાં પગાર મળે છે, જેમનો Pay Level 18 (Apex Scale) હોય છે. આ સ્કેલ પર એક સરકારી અધિકારીને દર મહિને 2.5 લાખ રૂપિયાનો મૂળ પગાર મળે છે. ઉપરાંત તેમને મોંઘવારી ભથ્થું (DA), આવાસ ભથ્થું (HRA), મુસાફરી ભથ્થું, તબીબી સુવિધા જેવી સુવિધાઓ પણ આપવામાં આવે છે. આ બધા ભથ્થાં સહિત, તેમનો કુલ પગાર દર મહિને 3.5 લાખ રૂપિયાથી 4 લાખ રૂપિયા સુધી પહોંચી શકે છે.
પરાગ જૈન 1989 બેચના IPS અધિકારી
પરાગ જૈને UPSC ક્વોલિફાઇ કર્યા પછી IPS (1989 બેચ, પંજાબ કેડર) તરીકે પોતાની કારકિર્દી શરૂ કરી હતી .પરાગે કઈ કોલેજમાંથી અભ્યાસ કર્યો છે અને કેટલું શિક્ષણ મેળવ્યું છે તેની માહિતી હાલમાં જાહેરમાં ઉપલબ્ધ નથી. પરાગ જૈનની નિમણૂક એવા સમયે થઈ છે જ્યારે દેશની આંતરિક અને બાહ્ય સુરક્ષાને લઈને ઘણા નવા પડકારો ઉભા થઈ રહ્યા છે. RAW ચીન, પાકિસ્તાન અને અફઘાનિસ્તાન જેવા પડોશી દેશોની પ્રવૃત્તિઓ પર નજર રાખવામાં અને આતંકવાદ અને સાયબર યુદ્ધ સંબંધિત ગુપ્ત માહિતી એકત્રિત કરવામાં મહત્વપૂર્ણ ભૂમિકા ભજવે છે.
ન આંખો, ન કાન... છતાં રચ્યો ઇતિહાસ!: 12મા ધોરણમાં 98.75% મેળવી સારા મોઈન બની ટોપર! જાણો સંઘર્ષથી સિદ્ધિ સુધીની પ્રેરણાદાયક સ્ટોરી
