Nadiad Acharya caught in hotel: નડિયાદના એક શિક્ષણ સંસ્થાના ઇન્ચાર્જ આચાર્યની અશ્લીલ હરકતો અમદાવાદની એક હોટલમાં ખુલ્લી પડી છે. આ ઘટનાએ શિક્ષણ જગતમાં ખળભળાટ મચાવી દીધો છે. મળતી માહિતી અનુસાર, નડિયાદ શહેરની એક શાળામાં ઇન્ચાર્જ આચાર્ય તરીકે ફરજ બજાવતા કિરીટ ઝાલાએ એક વિદ્યાર્થીની માતાને બાળકના LC (Leaving Certificate) આપવાના બહાને અમદાવાદના વટવા GIDC વિસ્તારમાં આવેલી હોટલ રોયલ ઇનના રૂમ નંબર 304માં બોલાવી હતી. ત્યારબાદ તે હોટલમાં આચાર્ય સાથે શંકાસ્પદ હાલતમાં મળી આવ્યા હતા.
તાત્કાલિક હોટલમાં પહોંચીને આચાર્યને રંગેહાથ ઝડપી લીધા
આ ઘટનાની જાણ બજરંગ દળના કાર્યકરોને થતાં તેમણે તાત્કાલિક હોટલમાં પહોંચીને આચાર્યને રંગેહાથ ઝડપી લીધા હતા. હોટલમાંથી શાળાની LC બુક પણ મળી આવી હતી, જે સંભવિત રીતે આચાર્ય પાસે હતી. પોલીસે આ મામલે વટવા GIDC પોલીસ સ્ટેશનમાં ગુનો નોંધીને આગળની તપાસ હાથ ધરી છે. આચાર્યને પૂછપરછ માટે હાજર કરવામાં આવ્યા હતા અને ઘટનાની વિગતોની તપાસ ચાલુ છે.આ ઘટના શિક્ષણ ક્ષેત્રે જવાબદારી અને નૈતિકતાના મુદ્દે ગંભીર પ્રશ્નો ઉભા કરે છે. આવા કૃત્યો બાળકોના ભવિષ્ય અને વાલીઓના વિશ્વાસને ડગમગાવે છે. પોલીસ તપાસ પૂર્ણ થયા બાદ આગળની કાર્યવાહી થશે.
