Munmun Dutta: તારક મહેતા કા ઉલ્ટા ચશ્મા (TMKOC)ની લોકપ્રિય અભિનેત્રી મુનમુન દત્તા, જેમને દર્શકો બબીતાજી તરીકે ઓળખે છે, તેમણે તાજેતરમાં રણવીર અલ્હાબાદિયા (BeerBiceps)ના પોડકાસ્ટમાં પોતાના અંગત જીવન વિશે ખુલ્લેઆમ વાત કરી છે. 2008થી ચાલી રહેલા આ શોમાં બબીતાજીની ભૂમિકા ભજવતી મુનમુન દત્તાએ પ્રેમ, બ્રેકઅપ્સ અને લગ્ન વિશે મહત્વના ખુલાસા કર્યા છે.
લગ્ન કરવા માંગું છું કે નહીં તે હજુ સ્પષ્ટ નથી
મુનમુન દત્તાએ કહ્યું કે તેઓ હાલમાં પ્રેમમાં છે, પરંતુ લગ્ન વિશે હજુ સ્પષ્ટ નથી. તેમણે જણાવ્યું, "હું પ્રેમમાં છું, પરંતુ લગ્ન કરવા માંગું છું કે નહીં તે હજુ સ્પષ્ટ નથી. જો લગ્ન મારા નસીબમાં હશે તો તે થશે જ." તેઓ એમ પણ કહે છે કે તેઓ લગ્નનો પીછો કરતી છોકરી નથી અને પોતાની શરતો પર જીવન જીવવાનું પસંદ કરે છે. બાળપણમાં પતિ કે લગ્નનું કોઈ ખાસ સ્વપ્ન જોયું નથી.
સપનાના રાજકુમારમાં જોઈએ આ ગુણ!
જ્યારે તેમને પૂછવામાં આવ્યું કે તેમને કેવા પ્રકારનો માણસ ગમે છે, ત્યારે મુનમુન દત્તાએ સ્પષ્ટ જણાવ્યું: "એક છોકરો જે બુદ્ધિશાળી હોય, પૈસા હોય, સારી વાતચીત કુશળતા હોય અને દેખાવડો પણ હોય." તેઓ એમ પણ કહે છે કે તેઓ ખોટું નથી બોલતા કે બધું જ એક જ વ્યક્તિમાં હોય. વધુમાં, તેઓએ એક કોરિયન અભિનેતા પર ક્રશ હોવાનો પણ ખુલાસો કર્યો છે અને તેને પસંદ કરે છે.
આ ઇન્ટરવ્યુમાં મુનમુન દત્તાએ પોતાના જીવનને સ્વતંત્ર અને સ્વ-નિર્ભર રાખવાની વાત પર ભાર મૂક્યો છે. તારક મહેતા કા ઉલ્ટા ચશ્માના ચાહકો માટે આ એક રસપ્રદ અને ખુલ્લા મનની વાતચીત રહી છે, જેમાં બબીતાજીના રિયલ લાઇફ વ્યક્તિત્વની ઝલક મળી છે.
